ലാസ്‌വെഗാസ്: ബോക്‌സിങ് റിങ്ങില്‍ 19 വര്‍ഷം അപരാജിതനായി തുടര്‍ന്ന ഫ്‌ലോയ്ഡ് മെയ്‌വെതര്‍ ചാമ്പ്യനായി ബോക്സിങ്ങ്റിംഗിനോട്‌  വിടപറഞ്ഞു.  അവസാന  മത്സരത്തില്‍ ആന്ദ്രെ ബെര്‍ട്ടോയെ തോല്‍പിച്ച് ലോക വെല്‍റ്റര്‍ വെയ്റ്റ് ബോക്‌സിങ് ചാമ്പ്യനായാണ്‌ വിടവാങ്ങിയത് .  തുടര്‍ച്ചയായ 49 ാം വിജയജയങ്ങൾ  കൈപ്പിടിയിലൊതുക്കിയ മെയ്‌വെതര്‍ ഇതിഹാസ താരം റിക്കി മാര്‍സിയാനോയുടെ റെക്കോഡിനൊപ്പമെത്തി. 117-111, 118-110, 120-108 എന്നിങ്ങനെയായിരുന്നു സ്‌കോര്‍. 


ഈ വര്‍ഷം മെയ് മൂന്നിന് ബോക്‌സിങ് റിങ്ങിലെ നൂറ്റാണ്ടിന്റെ പോരാട്ടം എന്ന വിശേഷിപ്പിക്കപ്പെട്ട മത്സരത്തില്‍ ഫിലിപ്പീന്‍സിന്റെ മാനി പാക്വിയാവോയെ വീഴ്ത്തി മെയ്‌വെതര്‍ ലോക വെല്‍ട്ടര്‍വെയ്റ്റ് കിരീടം ചൂടിയിരുന്നു.