തിരുവനനന്തപുരം:ബാർ കോഴ കേസിൽ ഹൈക്കോടതി വിധി വന്ന പശ്ചാതലത്തിൽ ധനമന്ത്രി കെ എം മാണി രാജിവച്ചേ മതിയാകൂ എന്ന് കെപിസിസി ജനറൽ സെക്രട്ടറി വി ഡി സതീശൻ എം എൽ എ തന്റെ ഫേസ് ബുക്ക്‌ പേജിൽ കുറിച്ചു.  

നാലുമാസം മുൻപ് മുതിര്ന്ന യു ഡി എഫ് നേതാക്കൾ മാണിയോട് സംസാരിച്ച് അദ്ദേഹത്തെകൊണ്ട് രാജി വയ്പ്പിക്കണമെന്ന് ഞാൻ അഭ്യര്ധിച്ചിരുന്നു.  ദൌർഭാഗ്യവശാൽ അതുണ്ടായില്ല.  തിരെഞ്ഞെടുപ്പിൽ ജനങ്ങള് നല്കിയത് അതിനുള്ള മറുപടിയായിരുന്നു.

ബാര് കോഴ വിഷയം യു.ഡി.എഫിനും കൊണ്ഗ്രസ്സിനും ചുമക്കേണ്ടി വന്നത് വലിയ ഗതികേടായിരുന്നു. വൈകിയാണെങ്കിലും കെ.എം.മാണി രാജി വയ്ക്കാൻ മടിക്കരുത്. രാജി വച്ചില്ലെങ്കിൽ മുഖ്യമന്ത്രി അദ്ദേഹത്തോട് രാജി വയ്ക്കാൻ ആവശ്യപ്പെടണം.
വിജിലൻസ് കോടതി വിധി വന്നപ്പോൾ മുഖ്യമന്ത്രി കെ. എം. മാണിയെ പ്രതിരോധിച്ചത് അതിരുകടന്നു പോയി. തിരഞ്ഞെടുപ്പിന്റെ അന്തിമഘട്ടത്തിലായതു കൊണ്ടാണ് അതിനെതിരെ അപ്പോൾ പ്രതികരിക്കാതെയിരുന്നത്.

എന്നിങ്ങനെ  മാണിയുടെ രാജിയല്ലാതെ മറ്റു മാർഗങ്ങളില്ലെന്നും ഇനി ആരുടെ ഭാഗത്ത് നിന്നും ഒരു പ്രതിരോധവും  പാടില്ലെന്നും ഓർമപ്പെടുത്തുന്ന വി ഡി സതീശന്റെ പോസ്റ്റ്‌ അവസാനിക്കുന്നത് മാണിയുടെ രാജിക്കാര്യം എല്ലാവരെയും ഒര്മാപ്പെടുത്തി 'ഇനി പ്രതികരിക്കാതെയിരിക്കാൻ കഴിയില്ല. കെ. എം. മാണി രാജി വച്ചേ മതിയാകൂ'. എന്ന് കുറിച്ചുകൊണ്ടാണ്.

വി ഡി സതീശന്റെ ഫേസ് ബുക്ക്‌ പോസ്റ്റ്‌