തിരുവനന്തപുരം:കേരളത്തിന്റെ പൊതുവിദ്യാഭ്യാസ മേഖലയിലെ നിസ്തുല സംഭാവനക്ക്  എകെഎസ്ടിയു ഏർപ്പെടുത്തിയിട്ടുള്ള  പി.ആര്‍.നമ്പ്യാർ പുരസ്കാരം മലയാള മനോരമ പ്രിസിപ്പൽ കറസ്പോണ്ടന്റ് ശ്രീദേവി പിള്ളക്ക് സി പി ഐ സെക്രട്ടറി കാനം രാജേന്ദ്രൻ സമർപ്പിച്ചു.  ചാനലിലെ വിദ്യാഭ്യാസ സംബന്ധമായ റിപ്പോര്ട്ടുകളാണ് ശ്രീദേവി പിള്ളയെ അവാർഡിനർഹയാക്കിയത്.  

കേരളത്തിലുടനീളം എകെഎസ്ടിയു സംഘടിപ്പിക്കുന്ന മതേതര വിദ്യാഭ്യാസകൂട്ടായ്മയുടെ  സംസ്ഥാനതല ഉദ്ഘാടനം കവയിത്രി സുഗതകുമാരി നിർവഹിച്ചു.  തിരുവനനപുരം പ്രസ് ക്ലബ്ബിൽ നടന്ന ചടങ്ങിൽ എകെഎസ്ടിയു സംസ്ഥാന പ്രസിഡണ്ട് ആർ ശരത്ചന്ദ്രൻ നായര് അധ്യക്ഷം വഹിച്ചു. മുൻ എം പി അച്യുതൻ, എകെഎസ്ടിയു ജനറൽ സെക്രട്ടറി എൻ ശ്രീകുമാർ, കെ ബുഹാരി എന്നിവർ സംസാരിച്ചു.