തിരുവനന്തപുരം:ജി. വി. രാജ സ്‌പോര്‍ട്‌സ് സ്‌കൂളിലേക്കും, കണ്ണൂര്‍ സ്‌പോര്‍ട്‌സ് ഡിവിഷനിലേക്കും ഒന്നാം വര്‍ഷ വി. എച്ച്. എസ്. ഇ പ്രവേശനത്തിന് അപേക്ഷ ക്ഷണിച്ചു. തിരുവനന്തപുരം ജി. വി. രാജ സ്‌പോര്‍ട്‌സ് സ്‌കൂള്‍ (ആണ്‍കുട്ടികള്‍ക്കും, പെണ്‍കുട്ടികള്‍ക്കും), കണ്ണൂര്‍ സ്‌പോര്‍ട്‌സ് ഡിവിഷന്‍ (പെണ്‍കുട്ടികള്‍ക്കു മാത്രം) എന്നിവിടങ്ങളില്‍ അത്‌ലറ്റിക്‌സ്, വോളിബോള്‍, ബാസ്‌കറ്റ് ബോള്‍, തൈക്കോണ്ട, ഫുട്‌ബോള്‍, ക്രിക്കറ്റ്, ഹോക്കി എന്നീ കായിക ഇനങ്ങളിലാണ് സെലക്ഷന്‍. അപേക്ഷ ഫോറം, മറ്റ് വിവരങ്ങള്‍ www.vhscap.gov.in, www.vhsc.kerala.gov.in എന്നീ വെബ്‌സൈറ്റുകളിലും ജി. വി. രാജ സ്‌പോര്‍ട്‌സ് സ്‌കൂള്‍, കണ്ണൂര്‍ സ്‌പോര്‍ട്‌സ് ഡിവിഷന്‍ എന്നിവിടങ്ങളിലും ലഭിക്കും.

മെയ് 20 ന് മുമ്പ് സ്‌പോര്‍ട്‌സ് സ്‌കൂളുകളില്‍ അപേക്ഷ നേരിട്ടോ / തപാലിലോ സമര്‍പ്പിക്കണം. മെയ് 23 മുതല്‍ 25 വരെ ജി. വി രാജ സ്‌പോര്‍ട്‌സ് സ്‌കൂളിലും മെയ് 27, 28 തീയതിയില്‍ കണ്ണൂര്‍ സ്‌പോര്‍ട്‌സ് ഡിവിഷനിലും ഇതിനുള്ള സെലക്ഷന്‍ നടക്കും. താല്‍പര്യമുള്ള വിദ്യാര്‍ത്ഥികള്‍ ഉയര്‍ന്ന സ്‌പോര്‍ട്‌സ് യോഗ്യതയുടെ അസല്‍ സര്‍ട്ടിഫിക്കറ്റുകളുമായി ടെസ്റ്റ് കേന്ദ്രങ്ങളില്‍ രാവിലെ ഏഴു മണിക്ക് ഹാജരാകണം