തിരുവനന്തപുരം: ഒന്നാം വര്‍ഷ വി.എച്ച്.എസ്.ഇ പ്രവേശനത്തിനുളള ആദ്യ അലോട്ട്‌മെന്റ് ലിസ്റ്റ് 16ന് പ്രസിദ്ധീകരിക്കും. ഇന്ന് (ജൂണ്‍ 9) ട്രയല്‍ അലോട്ട്‌മെന്റ് നടത്തും. 28 മുതല്‍ ഒന്നാം വര്‍ഷ ക്ലാസുകള്‍ ആരംഭിക്കും. ആദ്യ അലോട്ട്‌മെന്റിന് ശേഷം 16 മുതല്‍ 19 വരെ സ്‌കൂളില്‍ പ്രവേശനം നേടാം. രണ്ടാം അലോട്ട്‌മെന്റ് 21നും മൂന്നാം അലോട്ട്‌മെന്റ് 24നും നടക്കും. സപ്ലിമെന്ററി അലോട്ട്‌മെന്റ് പ്രക്രിയകള്‍ ജൂലൈ മൂന്നിന് ആരംഭിക്കും. പ്രവേശനം സംബന്ധിച്ച സമയക്രമവും മാര്‍ഗനിര്‍ദ്ദേശങ്ങളും വെബ്‌സൈറ്റില്‍ ലഭ്യമാണെന്ന് ഡയറക്ടര്‍ അറിയിച്ചു.