ഒലിവ് മീഡിയയുടെ ബാനറിൽ  സാജു എരുമേലി നിർമിച്ച്   ജയരാജ്‌  പണിക്കർ സംവിധാനം ചെയ്ത തിരുവമ്പാടി കണ്ണൻ മ്യൂസിക്കൽ ആൽബം പ്രേക്ഷകരുടെ മനം കവരുന്നു. അതീവ ഹൃദ്യമായ ഈ ആൽബത്തിന്റെ  ഗാന  രചന നിർവഹിച്ചിരിക്കുന്നത് കെ. ജയകുമാർ ആണ്.  സംഗീത സംവിധാനം നിർവഹിച്ചത്  ഗംഗൻ സംഗീതും ഗാനം ആലപിച്ചിരിക്കുന്നത്  സീ  കേരളം 'സരിഗമപ' ഫെയിം കുമാരി അവനി എസ്. എസും ആണ്.മാസ്റ്റർ അദ്വൈത് സാജു ആണ്  തിരുവമ്പാടി കണ്ണനായി  വേഷമിട്ടിരിക്കുന്നത്.രാധയായത്  കുമാരി ഐശ്വര്യ ഷൈജു ആണ്.വിജയൻ മുരുക്കുംപുഴ മറ്റൊരു പ്രധാന കഥാപാത്രത്തെ അവതരിപ്പിച്ചിട്ടുണ്ട്. വെളിനല്ലൂർ ശ്രീരാമസ്വാമി ക്ഷേത്രം,എരുമേലി മുക്കൂട്ടുതറ ശ്രീകൃഷ്ണസ്വാമി ക്ഷേത്രം എന്നിവിടങ്ങളിലെ ദൃശ്യ ചാരുതയുള്ള ലൊക്കേഷനുകളിലാണ് തിരുവമ്പാടി കണ്ണനെ വാഴ്ത്തി പാടുന്ന ഈ ആൽബം  ചിത്രീകരിച്ചത്.