ശുഭ വയനാട് അവതരിപ്പിച്ച 'ഒറ്റപെങ്ങൾ' ശ്രദ്ധേയമായി

P VIEW [ Public View ]12/03/2023

ശുഭ വയനാട് അവതരിപ്പിച്ച 'ഒറ്റപെങ്ങൾ' ശ്രദ്ധേയമായി

0

Rahim Panavoor

തിരുവനന്തപുരം : മലയാള കലാകാരന്മാരുടെ ദേശീയ സംഘടനയായ 'നന്മ' യുടെ തിരുവനന്തപുരം ജില്ലാ കമ്മിറ്റിയുടെയും വനിതാ വിഭാഗമായ സർഗ്ഗവനിതയുടെയും ആഭിമുഖ്യത്തിൽ അന്തർദേശീയ വനിതാ ദിനാഘോഷ പരിപാടികൾ സംഘടിപ്പിച്ചു .വെള്ളയമ്പലം മാനവീയം വീഥിയിൽ നടന്ന പരിപാടികൾ ഇൻസ്റ്റിറ്റ്യൂട്ട് ഓഫ് മാനേജ്മെന്റ് ഇൻ ഗവൺമെന്റിലെ അസോസിയേറ്റ് പ്രൊഫസർ ഡോ. അനീഷ്യ ജയദേവ് ഉദ്ഘാടനം ചെയ്തു. ശുഭ വയനാട് അവതരിപ്പിച്ച ഒറ്റപെങ്ങൾ എന്ന ഏകപാത്ര നാടകം ശ്രദ്ധേയമായി.

ദുശ്ശള , പഞ്ചാലി, സൗമ്യ എന്നീ മൂന്നു കഥാപാത്രങ്ങളിലൂടെയുള്ള നാടകം സ്ത്രീ പൊരുതി മുന്നേറേണ്ടവൾ ആണെന്ന് ചൂണ്ടിക്കാട്ടുന്നു. സ്ത്രീ ശക്തീകരണം പ്രമേയമായ നാടകത്തിന്റെ രചന നിർവഹിച്ചത് ഷെരീഫ് പാങ്ങോട് ആണ്.

നന്മയിലെ കലാകാരികൾ വിവിധ പരിപാടികൾ അവതരിപ്പിച്ചു.

SHARE