തിരുവനന്തപുരം: പ്രേംനാസിർ അഭിനയിച്ച വയലാര്‍ ഗാനരംഗങ്ങളും, വടക്കന്‍പാട്ടുകള്‍ കോര്‍ത്തിണക്കിയ നൃത്താവിഷ്‌കാരം നിത്യവസന്തം പ്രേംനസീറിന്റെ 30-ാം ചരമവാര്‍ഷികദിനമായ ജനുവരി16-ന്(ഇന്ന്) വൈകുന്നേരം 5.30ന് വൈലോപ്പിള്ളി സംസ്‌കൃതി ഭവനിൽ അരങ്ങേറും. വയലാര്‍ രാമവര്‍മ്മ സാംസ്‌കാരികവേദിയും വൈലോപ്പിള്ളി സംസ്‌കൃതിഭവനുമായി സഹകരിച്ചാണ് പരിപാടി. 25 ഗാനങ്ങൾ പ്രശസ്ത പിന്നണിഗായകർ ഉൾപ്പെടെയുള്ളവർ ആലപിക്കും. നൂപുര നൃത്തശില്പം അവതരിപ്പിക്കും.  മന്ത്രി കടകംപള്ളി സുരേന്ദ്രന്‍ ഉദ്ഘാടനവും  പുരസ്‌കാരദാനവും നിര്‍വ്വഹിക്കും. നടൻ ജി കെ പിള്ളയ്ക്ക് വയലാർ നവതി പ്രേംനാസിർ പുരസ്കാരം നൽകി ആദരിക്കും. കലാസാംസ്‌കാരിക രംഗത്തെ പ്രമുഖര്‍ ചേർന്ന് 30 ദീപങ്ങള്‍ തെളിയിക്കും.