തിരുവനന്തപുരം:കലയുടെ തമ്പുരാൻ സ്വാതിതിരുനാളിന്റെ സ്മരണാർത്ഥം ആകാശവാണി നടത്തിവരാറുള്ള സ്വാതിതിരുനാൾ സംഗീതോത്സവം വെട്ടിക്കവല കെ എൻ ശശികുമാറിന്റെ നാഗസ്വരത്തോടെ സമാപിച്ചു. ഇക്കഴിഞ്ഞ ഏഴിന് രാജ സ്മരണകൾ ഉണർത്തുന്ന ലെവി ഹാളിൽ പാറശാല ബി പൊന്നമ്മാളിന്റെ സംഗീതത്തോടെ ആരംഭിച്ച സംഗീതോത്സവമാണ് ആകാശവാണിയുടെ ടോപ് എ ഗ്രേഡ് ആർട്ടിസ്റ്റുമാരായ വെട്ടിക്കവല കെ എൻ ശശികുമാർ നാഗസ്വരത്തിലും നാഞ്ചിൽ ജെ മണികണ്ഠൻ തവിലിലും തീർത്ത സംഗീത പെരുമഴയോടെ അവസാനിച്ചത്. ഇവരുടെ നാഗസ്വരം ഈ മാസം 30  ന് രാത്രി 9.30 ന് ആകാശവാണി പ്രക്ഷേപണം ചെയ്യും.  ശനിയാഴ്ച എം കെ ശങ്കരൻ നമ്പൂതിരി കച്ചേരി അവതരിപ്പിച്ചിരുന്നു.