സാനന്ദ് ജോര്‍ജ്ജ്, ബി.കെ ഹരിനാരായണന്‍
കണ്ണന്‍ താമരക്കുളം സംവിധാനം ചെയ്യുന്ന ഉടുമ്പ് എന്ന പുതിയ സിനിമയുടെ രണ്ട് ഗാനങ്ങള്‍ പുറത്തിറക്കുന്നതിനുള്ള തിരക്കിനിടയിലാണ് സാനന്ദ് ജോര്‍ജ്ജ് ഗ്രേസ് തിരുവനന്തപുരത്ത് ക്രിസ്തുമസ് പാട്ടൊരുക്കം നടത്തിയത്. രണ്ട് പുതിയ സിനിമകളുടെ പാട്ടെഴുത്തിന് തിരുവനന്തപുരത്ത് എത്തിയ ബി.കെ ഹരിനാരായണന്റെ വരികള്‍ കൂടി ലഭിച്ചതോടെ വ്യത്യസ്തത പുലര്‍ത്തുന്ന താളത്തില്‍ ക്രിസ്തുമസ് ഗാനം പിറവിയെടുത്തു.

മ്യൂസിക് ബ്രയോയാണ് ക്രിസ്തുമസ് വീഡിയോ ഗാനം നിര്‍മ്മിച്ചത്. സാനന്ദ് ജോര്‍ജ്ജ് ഗ്രേസും പ്രമീളയും ചേര്‍ന്ന് ആലപിച്ചു. വിഷ്ണൂബുദ്ധന്‍ ദൃശ്യാവിഷ്‌ക്കാരവും ഷിജിത് പി നായര്‍ എഡിറ്റിങ്ങും നടത്തി. കീബോര്‍ഡും പ്രോഗ്രാമിങ്ങും സഞ്ജിത് ജോര്‍ജ്ജ് ഗ്രേസ് നിര്‍വഹിച്ചു.റെക്കോര്‍ഡിങ് റോമി, മിക്‌സ് ആന്റ് മാസ്റ്ററിങ് : സാന്‍ജിയോ,പോസ്റ്റര്‍ : ഡി ഫാക്റ്ററി, ലോഗോ : മനുഗോപാലന്‍, സ്റ്റുഡിയോ : ഭൈരവി എന്റര്‍ടെയ്ന്‍മെന്റ്‌സ് , പി.ആര്‍.ഒ : എ.എസ് പ്രകാശ് എന്നിവരാണ് അണിയറയില്‍.