തിരുവനന്തപുരം:വ്യവസായ വാണിജ്യവകുപ്പ് സംസ്ഥാനതലത്തില്‍ സംഘടിപ്പിക്കുന്ന കേരള ബിസിനസ് ടു ബിസിനസ് മീറ്റിലേക്ക് അംഗത്വ രജിസ്‌ട്രേഷന്‍ ആരംഭിച്ചു.

കൊച്ചി വിമാനത്താവളത്തിന്റെ അധീനതയിലുള സിയാല്‍ എക്‌സിബിഷന്‍ സെന്ററിലാണ് ഇത്തവണ മീറ്റ് നടക്കുന്നത്. 2016 ഫെബ്രുവരി നാല് മുതല്‍ ആറ് വരെ നടക്കുന്ന സംഗമത്തില്‍ പങ്കെടുക്കുന്ന സംരംഭങ്ങളുടെ രജിസ്‌ട്രേഷന്‍ തിരുവനന്തപുരം ജില്ലാ വ്യവസായ കേന്ദ്രത്തില്‍ ആരംഭിച്ചു.

15,000 രൂപയാണ് രജിസ്‌ട്രേഷന്‍ ഫീസ്. ഇതില്‍ 50% തുക വിപണി വികസന ധനസഹായമായി കേന്ദ്രസര്‍ക്കാരില്‍ നിന്നും തിരികെ ലഭിക്കും. രജിസ്‌ട്രേഷന്‍ നടത്തുന്നതിന് 9497622594 എന്ന നമ്പരില്‍ ബന്ധപ്പെടണമെന്ന് ജില്ലാ വ്യവസായ കേന്ദ്രം ജനറല്‍ മാനേജര്‍ അറിയിച്ചു