രാജേഷ് വട്ടപ്പാറ കഥ എഴുതി സംവിധാനം ചെയ്ത ഹ്രസ്വചിത്രമാണ് ദൃഷ്ടി. 

പി.എന്‍.റ്റി പ്രൊഡക്ഷന്‍സിന്റെ ബാനറില്‍ സി.പി.സനില്‍ദാസ് ആണ് ഈ ചിത്രം നിര്‍മിച്ചത്. ദൈവത്തില്‍ കീഴ്‌പ്പെടാതെ ഭൗതിക ലോക മോഹങ്ങളെ താലോലിക്കുകയും വാര്‍ദ്ധക്യത്തെ അവജ്ഞയോടെ നോക്കികാണുകയും ചെയ്യുന്ന ഡെയ്‌സി എന്ന വീട്ടമ്മ. സംസാരശേഷി നഷ്ടപ്പെട്ട തന്റെ മാതാവിനെ ഓര്‍ത്ത് ഉരുകുന്ന ഹൃദയവുമായി കുടുംബനാഥന്‍ തോമസ്. ഇവരുടെ ജീവിതത്തില്‍ ഒരു പ്രതിസന്ധി നേരിട്ടപ്പോള്‍ ദൈവം ആ വൃദ്ധമാതാവിനെ ശാക്തീകരിച്ചു. ആ കരസ്പര്‍ശത്താല്‍ ഡെയ്‌സിയുടെ ഉള്‍ക്കണ്ണ് തുറക്കുകയും തന്റെ തെറ്റുകളില്‍പശ്ചാത്തപിക്കുകയും ഒരു പുതിയ വ്യക്തിയായി രൂപാന്തരപ്പെടുന്നതുമാണ് ഈ ചിത്രത്തിലൂടെ പറയുന്നത്.

സി.പി. സനില്‍ദാസ്, മാസ്റ്റര്‍ ആദിന്‍, ബേബി ആന്‍ ദാസ്, സീമ, ശ്യാമള അമ്മ, ബേബി പാര്‍വ്വതി തുടങ്ങിയവരാണ് പ്രധാന താരങ്ങള്‍. ഛായാഗ്രഹണം : കമല്‍രാജ്. എഡിറ്റിംഗ് : വിനോദ് പൗര്‍ണമി, കലാസംവിധാനം : ആര്‍ട്ടിസ്റ്റ് ബിജു. കോസ്റ്റ്യൂംസ്, മേക്കപ്പ് : ശ്രീകുമാര്‍ അരശുപറമ്പ്. പി.ആര്‍.ഒ : റഹിം പനവൂര്‍