തിരുവനന്തപുരം: സൗത്ത് ഇന്ത്യന്‍ സിനിമ ടെലിവിഷന്‍ അക്കാഡമിയുടെ ആഭിമുഖ്യത്തില്‍ ഷോര്‍ട്ട് ഫിലിം, ഡോക്യുമെന്ററി, കാമ്പസ് ഫിലിം, മ്യൂസിക്കല്‍ ആല്‍ബം ഫെസ്റ്റിവല്‍ സംഘടിപ്പിക്കും. സെപ്തംബര്‍ 28,29,30 തീയതികളില്‍ തിരുവനന്തപുരം വി.ജെ.ടി ഹാളില്‍ വച്ചാണ് ഫെസ്റ്റിവല്‍. സൗത്ത് ഇന്ത്യന്‍ സിനിമ ടെലിവിഷന്‍ അവാര്‍ഡ് നിശയോടനുബന്ധിച്ചാണ് ഫെസ്റ്റിവല്‍. സംവിധായകന്റെ / നിര്‍മ്മാതാവിന്റെ സാക്ഷ്യപത്രം, പെന്‍ഡ്രൈവിലോ ഹാര്‍ഡ് ഡിസ്‌കിലോ പകര്‍ത്തിയ പരിപാടിയുടെ ഫയലുകള്‍, പോസ്റ്റര്‍ എന്നിവ സഹിതം തിരുവനന്തപുരം സ്റ്റാച്യു ഓഫീസില്‍ നേരിട്ടോ തപാല്‍ വഴിയോ എത്തിക്കാം.  വിശദവിവരങ്ങള്‍ക്ക് 9746149747 എന്ന ഫോണ്‍ നമ്പറില്‍ ബന്ധപ്പെടണമെന്ന് അക്കാഡമി ജനറല്‍ സെക്രട്ടറി ഡോ.ആര്‍.എസ്.പ്രദീപ് അറിയിച്ചു.