യുവനടന്‍ അനില്‍ നെയ്യാറ്റിന്‍കര നായക കഥാപാത്രത്തെ അവതരിപ്പിക്കുന്ന വീഡിയോ ആല്‍ബമാണ് ഒരു വിരല്‍ സ്പര്‍ശം. അഭിനേത്രി, നര്‍ത്തകി, ചിത്രകാരി, ഛായാഗ്രാഹക തുടങ്ങിയ  നിരവധി രംഗങ്ങളില്‍ ശ്രദ്ധേയയായ ആര്യകല്യാണി ആണ് ഈ ആല്‍ബം സംവിധാനം ചെയ്തത്. ലൈം ട്രീ പ്രൊഡക്ഷന്‍സിന്റെ ബാനറില്‍ ഷേണു കുര്യന്‍, വിനോദ്കുമാര്‍ എന്നിവര്‍ ചേര്‍ന്നാണ് നിര്‍മ്മാണം. ഗ്രാമീണനായ യുവകര്‍ഷകന്റെ പ്രണയസ്വപ്നങ്ങളാണ് ഈ ആല്‍ബത്തിലൂടെ പറയുന്നത്. സുറുമി സുഹാസ് ആണ് നായിക കഥാപാത്രത്തെ അവതരിപ്പിക്കുന്നത്. വെള്ളായണിയിലും പരിസര പ്രദേശങ്ങളിലുമായിട്ടായിരുന്നു ഇതിന്റെ ചിത്രീകരണം. ആര്യ കല്യാണി ആദ്യമായി സംവിധാനം ചെയ്ത ആല്‍ബമാണിത്.

   

ഗാനരചന: ബി.ജെ.കുന്നത്ത്. സംഗീതം: പ്രണവം മധു. ഗായകന്‍: മധു ബാലകൃഷ്ണന്‍. ഛായാഗ്രഹണം, എഡിറ്റിംഗ്: ഗജേന്ദ്രന്‍ വാവാസ്. അസോസിയേറ്റ് ഡയറക്ടര്‍: ശ്രാവണ്‍ ബിജു. കോസ്റ്റ്യൂംസ്: ഷൈലജ പണിക്കര്‍. പിആര്‍.ഒ: റഹിം പനവൂര്‍.  സ്റ്റില്‍സ്: സദന്‍ ടോപ്പ്. റിലീസ്: ഗ്രാമം ഡോട് കോം, യു.എ.ഇ.

   

ഐ ആം ഷേക്‌സ്പിയര്‍, മരുഭൂമികള്‍, പച്ചത്തപ്പ്, പാണിഗ്രഹണം എന്നീ സിനിമകളിലും കോ-ഇന്‍സിഡന്‍സ്, ബൈനോക്കുലര്‍, ദി ലാസ്റ്റ് ഡിസൈര്‍ എന്നീ ഹ്രസ്വചിത്രങ്ങളിലും ഹരിതം ഈ സ്‌നേഹം എന്ന സംഗീത വീഡിയോ ആല്‍ബത്തിലും അനില്‍ നെയ്യാറ്റിന്‍കര ശ്രദ്ധേയ കഥാപാത്രങ്ങളെ അവതരിപ്പിച്ചിട്ടുണ്ട്.