ഫോബ്‌സിന്റെ 2020 ലെ ഏറ്റവും ഉയര്‍ന്ന ശമ്പളമുള്ള 10 അഭിനേതാക്കളുടെ പട്ടികയില്‍ 52കാരനായ നടന്‍ അക്ഷയ് കുമാര്‍ 6ആം സ്ഥാനത്താണ്, അദ്ദേഹത്തിന്റെ വരുമാനം 48.5 മില്യണ്‍ ഡോളര്‍ ആണെന്ന് കണക്കാക്കപ്പെടുന്നു.  à´ˆ പട്ടികയിലെ ഏക ഇന്ത്യക്കാരനാണ് അദ്ദേഹം. താരത്തിന്റെ റാങ്ക് കഴിഞ്ഞ വര്‍ഷത്തെ അപേക്ഷിച്ച് രണ്ട് സ്ഥാനം താഴോട്ട്പോയി. ഫോബ്‌സിന്റെ 2019 ലെ ഏറ്റവും ഉയര്‍ന്ന വേതനം ലഭിക്കുന്ന അഭിനേതാക്കളുടെ പട്ടികയില്‍ അക്ഷയ് കുമാര്‍ നാലാമതായിരുന്നു. à´ˆ വര്‍ഷത്തെ പട്ടികയില്‍ ഒന്നാമത് ഗുസ്തിക്കാരനില്‍ നിന്ന്‍ നടനായി മാറിയ ഡ്വെയ്ന്‍ ജോണ്‍സണാണ് (അദ്ദേഹത്തിന്റെ വരുമാനം 87.5 മില്യണ്‍ ഡോളര്‍ ആണെന്ന് കണക്കാക്കപ്പെടുന്നു),  71.5 മില്യണ്‍ഡോളര്‍ വരുമാനവുമായി ഡെഡ്പൂള്‍ താരം റയാന്‍ റെയ്‌നോള്‍ഡ്‌സ് രണ്ടാം സ്ഥാനത്താണ്. മൂന്നാമത്തെയും നാലാമത്തെയും അഞ്ചാമത്തെയും സ്ഥാനങ്ങള്‍ യഥാക്രമം മാര്‍ക്ക് വാള്‍ബെര്‍ഗ്, ബെന്‍ അഫ്‌ലെക്ക്, വിന്‍ ഡീസല്‍ എന്നിവര്‍ക്ക് ലഭിച്ചു. ഹാമില്‍ട്ടണ്‍ താരം ലിന്‍മാനുവല്‍ മിറാന്‍ഡ, വില്‍ സ്മിത്ത്, ആദം സാന്‍ഡ്‌ലര്‍, ജാക്കി ചാന്‍ എന്നിവരാണ് അക്ഷയ് കുമാറിനു ശേഷം അവസാന നാല് റാങ്കുകള്‍. ഇതോടെ തുടര്‍ച്ച അഞ്ച് വര്‍ഷമായി ഏറ്റവും കൂടുതല്‍ പ്രതിഫലം വാങ്ങുന്ന അഭിനേതാക്കളുടെ പട്ടികയില്‍ അക്ഷയ് കുമാര്‍  ഇടം നേടി.