തിരുവനന്തപുരം:നാഷണല്‍ എംപ്ലോയ്‌മെന്റ് സര്‍വീസ് വകുപ്പിന്റെ ആഭിമുഖ്യത്തില്‍ ജനുവരി 30 ന് എറണാകുളം കളമശേരി സെന്റ് പോള്‍സ് കോളേജിലും ഫെബ്രുവരി 13 ന് കോഴിക്കോട് മീഞ്ചന്ത ഗവ. ആര്‍ട്‌സ് ആന്‍ഡ് സയന്‍സ് കോളേജിലും ഫെബ്രുവരി 20 ന് തിരുവനന്തപുരം സര്‍ക്കാര്‍ വനിതാ കോളേജിലും ജോബ് ഫെസ്റ്റുകള്‍  നിയുക്തി 2016 സംഘടിപ്പിക്കും.

എറണാകുളം, കോട്ടയം, തൃശൂര്‍, ഇടുക്കി ജില്ലയിലുള്ളവര്‍ക്ക് എണറാകുളത്തും പാലക്കാട്, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍ഗോഡ് ജില്ലകളില്‍ നിന്നുള്ളവര്‍ക്ക് കോഴിക്കോടും തിരുവനന്തപുരം, കൊല്ലം, പത്തനംതിട്ട, ആലപ്പുഴ ജില്ലകളിലുള്ളവര്‍ക്ക് തിരുവനന്തപുരത്തും പങ്കെടുക്കാം. പ്രമുഖ ഉദ്യോഗദായകര്‍ പങ്കെടുക്കും. ഫെസ്റ്റില്‍ www.jobfest.kerala.gov.inല്‍ ജനുവരി 15 മുതല്‍ രജിസ്റ്റര്‍ ചെയ്യാം.