തിരുവനന്തപുരം ഓവർ ബ്രിഡ്ജിലെ ഫുട്പാത്തിലിരുന്നു ബോഡി ആർട്ടെന്ന മെഹന്ദിയണിയുന്ന യുവതി. ഫിനിഷിങ് സ്റ്റേജിൽ വളരെ ശ്രദ്ധയോടെ അത് നിർവഹിക്കുകയാണ് കലാകാരൻ. യുവതിയും നേരത്തെ മെഹന്ദി പൂർത്തിയാക്കിയ മറ്റൊരു യുവതിയും(അടുത്തിരിക്കുന്നു) ക്ഷമയോടെയും ശ്രദ്ധയോടെയും അത് നോക്കിയിരിക്കുന്നു. ഈ സമയം എബിവിപിയുടെ മഹാറാലിയിടെ അവസാന ഭാഗം എതിര്ഭാഗത്തുകൂടി വൻ ഹർഷാരവത്തോടെ കടന്നുപോകുന്നതുകാണാം. രാവിലെ ആരംഭിച്ച റാലി കാരണം ഗതാഗതം തടസ്സപ്പെട്ടതിനാലും ആ പൊരിവെയിലത്ത് ഒന്ന് വിശ്രമിക്കാനുമാകണം അവർ മെഹന്ദിയണിയാൻ തീരുമാനിച്ചത്.