തിരുവനന്തപുരം: കലാനിധി ശ്രീരാമോത്സവ് കര്‍മശ്രേഷ്ഠ പുരസ്‌കാരം ചലചിത്ര പി.ആര്‍.ഒ. റഹിം പനവൂരിന് പഞ്ചവാദ്യ കലാകാരന്‍ മട്ടന്നൂര്‍ ശങ്കരന്‍കുട്ടി മാരാര്‍, തിരുവിതാംകൂര്‍ ദേവസ്വം ബോര്‍ഡ് കമ്മീഷണര്‍ കെ. വാസു എന്നിവര്‍ സമ്മാനിച്ചു. കോട്ടയ്ക്കകം വടക്കേനട ശ്രീരാമസ്വാമി ക്ഷേത്രത്തില്‍ നടന്ന ചടങ്ങ് ഭാരത് ഭവന്‍ മെമ്പര്‍ സെക്രട്ടറി പ്രമോദ് പയ്യന്നൂര്‍ ഉദ്ഘാടനം ചെയ്തു. കലാനിധി ജനറല്‍ സെക്രട്ടറി ഗീതാ രാജേന്ദ്രന്‍ അദ്ധ്യക്ഷത വഹിച്ചു. അഡ്വ. കെ. അയ്യപ്പന്‍പിള്ള, ശ്രീകലാ സുരേഷ്, ഡോ. വാഴമുട്ടം ബി. ചന്ദ്രബാബു തുടങ്ങിയവര്‍ സംസാരിച്ചു.