തിരുവനന്തപുരം:  ന്യൂസ് ഫോട്ടോഗ്രാഫർ  പി. അഭിജിത് ക്യാമറയിൽ പകര്ത്തിയ  ട്രാൻസ്ജെണ്ടറുകളുടെ ജീവിത ചിത്രങ്ങൾ കോർത്തിണക്കിയ 'ട്രാൻസ്' ഫോട്ടോ-ഡോക്കുമെന്ററി സെപ്തംബർ  22 ന്  പഞ്ചായത്ത്-സാമൂഹ്യനീതി വകുപ്പ് മന്ത്രി എം. കെ. മുനീർ പ്രകാശനം ചെയ്യും.  തുടർന്ന് ആദ്യ പ്രദര്നോദ്ഘാടനവും അദ്ദേഹം നിർവഹിക്കും. ട്രാൻസ്ജെണ്ടറുകളായ എ. രേവതി(എഴുത്തുകാരി)ഏയ്‌ഞ്ചൽ ഗ്ലാഡി (നാടക പ്രവര്ത്തക) എന്നിവരും തിരുവനന്തപുരം പ്രസ്‌ക്ലബ്‌ ഫോര്ത്ത്എസ്റ്റേറ്റ്‌ ഹാളിൽ നടക്കുന്ന ചടങ്ങിൽ പങ്കെടുക്കും. 
എട്ടുവർഷമായി ട്രാൻസ്ജെണ്ടറുകളുടെ ജീവിതചിത്ര പ്രദർശനങ്ങൾ നടത്തിവരുന്ന അഭിജിത്  തന്റെ ചിത്രങ്ങൾ വളരെ വേഗത്തിൽ കൂടുതൽ ജനങ്ങളിലേക്ക്  എത്തിക്കുക, ഒപ്പം ട്രാൻസ്ജെണ്ടറുകളെ മുഖ്യധാരയിൽ കൊണ്ടുവരികയുമാണ്  സംഗീതസാന്ദ്രമായ ട്രാൻസിലൂടെ ലക്‌ഷ്യം വയ്ക്കുന്നത്.