ഡോ. കെ എസ് രവികുമാർ, കുരീപ്പുഴ ശ്രീകുമാർ, എൻ പി  രാജേന്ദ്രൻ, ജി ശങ്കർ
തിരുവനന്തപുരം:മഹാകവി പന്തളം കേരളവർമ്മ കവിതാ-മാധ്യമ പുരസ്കാരങ്ങൾ സമ്മാനിച്ചു. തിരുവനന്തപുരം വൈ എം സി എ ഹാളിൽ നടന്ന ചടങ്ങിൽ കുരീപ്പുഴ ശ്രീകുമാറിനു കവിതാ പുരസ്‌കാരം ജി ശങ്കർ സമ്മാനിച്ചു. ശില്പവും പ്രശസ്തിപത്രവും 15000  രൂപയും അടങ്ങുന്നതാണ് പുരസ്‌കാരം.   മുതിർന്ന പത്രപ്രവർത്തകൻ എൻ പി  രാജേന്ദ്രൻ മാധ്യമ പുരസ്കാരം ഡോ. കെ എസ് രവികുമാർ സമ്മാനിച്ചു. ശില്പവും പ്രശസ്തിപത്രവും 10000 രൂപയും അടങ്ങുന്നതാണ് പുരസ്‌കാരം.    മാതൃഭൂമി ദിനപ്പത്രത്തിൽ ഇന്ദ്രൻ എന്ന പേരിൽ  എഴുതിയ വിശേഷാൽ പ്രതിയെന്ന പംക്തിയെ മുൻ നിർത്തിയാണ് എൻ പി രാജേന്ദ്രനു പുരസ്‌കാരം. മഹാകവി പന്തളം കേരളവർമ്മ സ്മാരകസമിതിയാണ് പുരസ്കാരങ്ങൾ ഏർപ്പെടുത്തിയിരിക്കുന്നത്. ഡോ. കെ എസ് രവികുമാറിന്റെ അധ്യക്ഷതയിൽ ജി ശങ്കർ ഉത്‌ഘാടനം ചെയ്ത ചടങ്ങിൽ, സി ഗൗരിദാസൻ നായർ, ടികെ സന്തോഷ് കുമാർ, പി രവി വർമ്മ,പിജി ശശി വർമ്മ, വർമ്മ കെ രഘു എന്നിവർ സംസാരിച്ചു.