തിരുവനന്തപുരം:അജയന്‍  എഴുതിയ  'പെയ്തു തീരാത്ത മഴ ' എന്ന പുസ്തകത്തിന്റെ  പ്രകാശനം  തിരുവനന്തപുരം പ്രസ് ക്ലബ് ഹാളില്‍ നടന്നു . നിത്യഹരിത  കള്‍ച്ചറല്‍ ആന്റ് ചാരിറ്റബിള്‍സൊസൈറ്റി സംഘടിപ്പിച്ച  ചടങ്ങില്‍  മന്ത്രി ഡോ:ആര്‍. ബിന്ദു  ചലച്ചിത്ര  സംവിധായകന്‍ ആര്‍.ശരത്തിന്  പുസ്തകം  നല്‍കി  പ്രകാശനം  ചെയ്തു. സൊസൈറ്റി പ്രസിഡന്റ്  റഹിം പനവൂര്‍ അധ്യക്ഷനായിരുന്നു . ചലച്ചിത്ര സംവിധായകന്‍ അരുണ്‍  ഭാസ്‌കര്‍, കവിയും എഴുത്തുകാരനുമായ അമ്പലപ്പുഴ രാജഗോപാല്‍, ചലച്ചിത്ര സംഗീത സംവിധായകര്‍  ഡോ :വാഴമുട്ടം ചന്ദ്രബാബു, നോവലിസ്റ്റ് അജയന്‍ എന്നിവര്‍  സംസാരിച്ചു.