ചലച്ചിത്ര-ടെലിവിഷന്‍ കലാകാരന്മാരുടെയും സാങ്കേതിക വിദഗ്ദ്ധരുടെയും സംഘടനയായ കോണ്‍ടാക്ട് സംഘടിപ്പിക്കുന്ന പന്ത്രണ്ടാമത് ഷോര്‍ട്ട് ഫിലിം ഫെസ്റ്റിവലിലേയ്ക്ക് എന്‍ട്രികള്‍ ക്ഷണിച്ചു. ഷോര്‍ട്ട് ഫിലിം, ഷോര്‍ട്ട് ഫീച്ചര്‍, ഡോക്യുമെന്ററി, കാമ്പസ് ഫിലിം, മ്യൂസിക്കല്‍ ആല്‍ബം, മൊബൈല്‍ സിനിമ, പരസ്യചിത്രങ്ങള്‍, ആനിമേഷന്‍ ചിത്രങ്ങള്‍ എന്നിവ മത്സരത്തിന് പരിഗണിക്കും. ഓരോ വിഭാഗത്തിലെയും മികച്ച ചിത്രങ്ങള്‍ക്കും  മികച്ച സംവിധായകന്‍, തിക്കഥാകൃത്ത്, ഛായാഗ്രാഹകന്‍, നടന്‍, നടി, ബാലതാരങ്ങള്‍ എന്നിവര്‍ക്കും പുരസ്‌കാരങ്ങള്‍ നല്‍കും. ഉടന്‍ പുറത്തിറങ്ങാനിരിക്കുന്ന, കോണ്‍ടാക്ട് നിര്‍മ്മിച്ച ലൈസ്സന്‍സ് എന്ന ആന്തോളജി ചലച്ചിത്രത്തില്‍ മുന്‍വര്‍ഷങ്ങളിലെ കോണ്‍ടാക്ട് അവാര്‍ഡ് ജേതാക്കളെയാണ് അധികവും പരിഗണിച്ചത്. എന്‍ട്രികള്‍ ഒക്‌ടോബര്‍ 31-നു മുമ്പായി ലഭിച്ചിരിക്കണം. സൗജന്യ അപേക്ഷഫോറത്തിന് tvcontact96@gmail.com എന്ന ഇ-മെയിലില്‍ അപേക്ഷിക്കുക. ഫോണ്‍ : 0471-2305259,9349392259.