തിരുവനന്തപുരം:നടന്‍ കലാഭവന്‍ മണിയുടെ സുഹൃത്തുക്കക്കളുടെ നുണപരിശോധന തുടങ്ങി. മണിയുടെ മരണം സംബന്ധിച്ച് അന്വേഷണ സംഘം അഞ്ചു പേരെയാണ് പരിശോധനയ്ക്ക് വിധേയമാക്കുന്നത്. സുഹൃത്തായ അനീഷിന്റെ നുണപരിശോധന വ്യാഴാഴ്ച പൂര്‍ത്തിയാക്കി. മറ്റുള്ളവരെ 10 ദിവസത്തിനുള്ളില്‍ പരിശോധനയ്ക്കു വിധേയമാക്കും. പീറ്റര്‍, മുരുകന്‍, മാനേജര്‍ ജോബി, അരുണ്‍ എന്നിവര്‍ക്കാണ് പരിശോധന നടത്തുന്നത്. 

മണിയുടെ മരണത്തിനു മുമ്പ് കൂടെയുണ്ടായിരുന്ന സഹായികളാണ് നുണപരിശോധനയ്ക്ക് വിധേയരാകുന്ന അഞ്ചുപേരും. നുണപരിശോധനയ്ക്ക് നേരത്തെ ചാലക്കുടി ഒന്നാം ക്ലാസ് മജിസ്‌ട്രേറ്റ് കോടതി അനുമതി നല്‍കിയിരുന്നു. നേരത്തെ കേസന്വേഷണം നടത്തികൊണ്ടിരുന്ന പോലീസ് ടീമാണ് തിരുവനന്തപുരത്ത് നുണപരിശോധന നടത്തുന്നത്.