NEWS14/02/2017

ശശികല കുറ്റക്കാരി;മുഖ്യമന്ത്രി ആകില്ല

ayyo news service
ന്യൂഡല്‍ഹി:അനധികൃത സ്വത്തുസമ്പാദനക്കേസില്‍ എഐഎഡിഎംകെ ജനറല്‍സെക്രട്ടറി വി കെ ശശികല കുറ്റക്കാരിയെന്ന്  സുപ്രീംകോടതി വിധി  ശിക്ഷ റദ്ദാക്കിയ കര്‍ണാടക ഹൈക്കോടതി ഉത്തരവ് സുപ്രീംകോടതി റദ്ദാക്കി. ജസ്റ്റിസ് ദീപക് മിശ്ര, ജസ്റ്റിസ് പി സി ഘോഷ് എന്നിവര്‍ അംഗങ്ങളായ ബെഞ്ചാണ് നിര്‍ണായകവിധി പുറപ്പെടുവിച്ചത്. 4വര്‍ഷം തടവും  പത്ത് കോടി രൂപ പിഴയുമാണ് ശിക്ഷ. പത്ത് വര്ഷം തെരഞ്ഞെടുപ്പില്‍ മത്സരിക്കുന്നതിനും വിലക്കുണ്ട്. കേസില്‍ ജയലളിതയെയും മറ്റുള്ളവരെയും വെറുതെവിട്ട കര്‍ണാടക ഹൈക്കോടതി സിംഗിള്‍ ബെഞ്ച് വിധിക്കെതിരെ കര്‍ണാടക സര്‍ക്കാര്‍ സമര്‍പ്പിച്ച അപ്പീലിലെ വിധിയാണ് പ്രഖ്യാപിച്ചത്. പ്രതികളോട് നാലാഴ്ചയ്ക്കകം ബംഗളൂരു കോടതിയില്‍ കീഴടങ്ങാനും സുപ്രീംകോടതി ഉത്തരവിട്ടു.. വിധി വന്നതോടെ ശശികലക്ക് മുഖ്യമന്ത്രി ആകാന്‍ സാധിക്കില്ല.

തമിഴ്‌നാട് മുന്‍ മുഖ്യമന്ത്രി ജയലളിതയായിരുന്നു കേസിലെ ഒന്നാം പ്രതി. എന്നാല്‍ ജയലളിത മരിച്ചതിനാല്‍ അവര്‍ക്കെതിരെയുള്ള എല്ലാ നടപടികളും റദ്ദാക്കി. എന്നാല്‍, ജയലളിത മരിച്ച സാഹചര്യത്തില്‍ മറ്റ് പ്രതികളായ ശശികല, വളര്‍ത്തുമകന്‍ വി എന്‍ സുധാകരന്‍, ബന്ധു ജെ ഇളവരശി എന്നിവര്‍ക്കെതിരായ വിധിയാണ് ഇപ്പോള്‍ പ്രാബല്യത്തിലുള്ളത്

കേസില്‍ ആറുമാസം മുമ്പ് വാദം പൂര്‍ത്തിയാക്കിയശേഷം സുപ്രീംകോടതി വിധി പ്രഖ്യാപനം നീട്ടിവയ്ക്കുകയായിരുന്നു. മുന്‍ മുഖ്യമന്ത്രി ജയലളിത അന്തരിച്ചത് ഇക്കാലയളവിലാണ്. 1991-96 കാലയളവില്‍ ജയലളിത മുഖ്യമന്ത്രിയായിരിക്കെ കേസിലെ കുറ്റാരോപിതര്‍ 67 കോടിരൂപയുടെ അനധികൃതസ്വത്ത് സമ്പാദിച്ചെന്ന കേസിലാണ് വിധി.

1996ല്‍ ബിജെപി നേതാവ് സുബ്രഹ്മണ്യന്‍ സ്വാമിയാണ് കേസിനു തുടക്കമിട്ടത്. മുഖ്യമന്ത്രിയായിരിക്കെ ഒരു രൂപ മാത്രം ശമ്പളം വാങ്ങിയ ജയലളിത അഞ്ചു വര്‍ഷത്തിനുള്ളില്‍ അനധികൃതമായി സമ്പാദിച്ചത് 66 കോടിയിലേറെ രൂപ. അവരുടെ മരണശേഷം അനധികൃത സമ്പാദ്യങ്ങളേറെയും ശശികല കൈവശമാക്കിയെന്നാണ് സൂചന. കേസില്‍ ജയലളിതയും ശശികലയും കുറ്റക്കാരാണെന്നു വിചാരണക്കോടതി 2014ല്‍ വിധിച്ചിരുന്നു. ഇതിനെതിരായ ഹര്‍ജിയില്‍ ഹൈക്കോടതി ഇരുവരെയും കുറ്റവിമുക്തരാക്കിയിരുന്നു.

Views: 1499
SHARE
CINEMA

'സൂപ്പര്‍ ജിമ്‌നി ' 'പൂര്‍ത്തിയായി

TALKS

ഇന്ത്യയില്‍ ലൈംഗികത കൂടുതല്‍ അടിച്ചമര്‍ത്തപ്പെട്ടിരിക്കുന്നു: കാനു ബേല്‍

P VIEW

ഡോ. വാഴമുട്ടം ചന്ദ്രബാബുവിന് മികച്ച സംഗീത സംവിധായകനുള്ള സത്യജിത് റേ പുരസ്‌കാരം

ARTS

ആറ്റുകാലമ്മ' വീഡിയോ ഗാനം റിലീസ് ചെയ്തു

OF YOUTH

'ശിവതാണ്ഡവം' സിഡി റിലീസ് ചെയ്തു

L ONLY

ദ ക്രൗണ്‍ ഓഫ് ഗ്ലോറി സൗന്ദര്യ മത്സരം മിസിസ് കേരളത്തിന്റെ സീസണ്‍-1

Create Date: 24.02.2024