തിരുവനന്തപുരം: ഇടതുപക്ഷ ജനാധിപത്യ മുന്നണി സർക്കാർ ഒരുവർഷം മേയ് ഇരുപത്തിയഞ്ചിന് പൂർത്തികരിക്കുകയാണ്. എല്ലാം ശരിയാക്കുമെന്ന് പറഞ്ഞു അധികാരത്തിൽ വന്നവർ ഒന്നും ശരിയാക്കാത്ത ഒരു വർഷമാണ് കേരളം ജനത ഇന്ന് കണ്ടുകൊണ്ടിരിക്കുന്നതെന്ന് പ്രതിപക്ഷ നേതാവ് രമേശ് ചെന്നിത്തല പറഞ്ഞു.  കേരള പ്രദേശ് കർഷക കോൺഗ്രസ് സമര പ്രഖ്യാപന കൺവെൻഷൻ ഉദ്ഘാടനം ചെയ്യുകയായിരുന്നു അദ്ദേഹം.ഇതുപോലെ ജനങ്ങളുടെ പ്രശനങ്ങൾ വിസ്മരിച്ച ഒരു ഗവണ്മെന്റിനെ നമുക്ക് കാണാൻ സാധ്യമല്ല. കർഷകരുടെ പ്രശ്ങ്ങങ്ങൾ ഇതുപോലെ അവഗണിച്ച ഒരു സർക്കാരിനെ  നമുക്ക് കാണാൻ കഴിയില്ല. കേന്ദ്ര സർക്കാരാണെങ്കിലും കേരളസർക്കാരാണെങ്കിലും കർഷകരെ മറന്നുകൊണ്ടുള്ള പ്രവർത്തനങ്ങൾക്കാണ് നേത്യത്വം കൊടുക്കുന്നത്.