തിരുവനന്തപുരം: കേരളത്തിലെ പൊതുവിദ്യാഭ്യാസരംഗം ശാക്തീകരിക്കേണ്ടത് ദേശീയതലത്തിൽ വളർത്തിക്കൊണ്ടുവരാൻ ശ്രമിക്കുന്ന മതാധിഷ്ഠിത വിദ്യാഭ്യാസ ചിന്തകൾക്കെതിരെയുള്ള പ്രതിരോധം എന്ന  നിലയിൽ  കൂടിഅനിവാര്യമാണെന്ന് കാനം രാജേന്ദ്രൻ . എകെഎസ്ടിയുവിന്റെ പൊതുവിദ്യാഭ്യാസ മുന്നേറ്റ പദയാത്രയുടെ സമാപന സമ്മേളനം ഗാന്ധിപാർക്കിൽ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. പൊതു വിദ്യാഭ്യാസ സംരക്ഷണയജ്ഞം പൊതുസമൂഹം ഏറ്റെടുക്കേണ്ട സുപ്രധാന കർമ്മ പദ്ധതിയാണെന്നും അദ്ദേഹം പറഞ്ഞു. ആഗോളവത്കരണത്തിന്റെ കെടുതികളിൽ  നിന്നും  കേരളത്തിന്റെ  പൊതു വിദ്യാഭ്യാസത്തെ ജനകീയ പങ്കാളിത്തത്തോടെ മാത്രമേ  രക്ഷിക്കാനാവുവെന്ന് ചടങ്ങിൽ മുഖ്യപ്രഭാഷണം നടത്തിയ  വിദ്യാഭ്യാസ മന്ത്രി  പ്രൊഫ. സി. രവീന്ദ്രനാഥ് പറഞ്ഞു എകെഎസ്ടിയു നടത്തിയ മുന്നേറ്റ ജാഥ ഈ ലക്ഷ്യത്തോടെയുള്ള മഹത്തയ ദൗത്യമായിരുന്നുവെന്നും അദേഹം പറഞ്ഞു. എകെഎസ്ടിയു സംസ്ഥാന പ്രസിഡണ്ട് ഒ.കെ. ജയകൃഷ്ണ. അധ്യക്ഷനായി. എകെഎസ്ടിയുവിന്റെ  ആഭിമുഖ്യത്തിൽ മേയ് 3 ന് കാസർഗോഡ് നിന്നും ആരംഭിച്ചതാണീ ഈ പൊതുവിദ്യാഭ്യാസ മുന്നേറ്റ പദയാത്ര.