തിരുവനന്തപുരം: ബലികുടീരങ്ങളേ...ഗാനത്തിന്റെയും വയലാര്‍-ദേവരാജന്‍ കൂട്ടുകെട്ടിന്റെയും അറുപതാം വാർഷിക  ആഘോഷം  മാനവീയം വീഥിയില്‍ വി.എസ്. അച്യുതാനന്ദന്‍ ഉദ്ഘാടനം ചെയ്തു. 60 ദീപങ്ങള്‍ തെളിച്ച് തുടക്കമിട്ട ചടങ്ങില്‍ ദേവരാജന്‍ മാസ്റ്റര്‍ രൂപം നല്‍കിയ ശക്തിഗാഥയിലെ 60 ഗായകര്‍ ബലികുടീരങ്ങളേ ഉള്‍പ്പെടെ വയലാര്‍ -ദേവരാജന്‍ കൂട്ടു കെട്ടിലെ ഗാനങ്ങള്‍ ആലപിച്ചു.  പിരപ്പന്‍കോട് മുരളി അദ്ധ്യക്ഷത വഹിച്ച ചടങ്ങില്‍ ജി.ദേവരാജന്‍ മാസ്റ്റര്‍ മെമ്മോറിയല്‍ ട്രസ്റ്റ് ചെയര്‍മാന്‍ പൂവച്ചല്‍ ഖാദര്‍, പ്രമോദ് പയ്യന്നൂർ , എം. വിജയകുമാര്‍, ഡെ.മേയര്‍ രാഖി രവികുമാര്‍,പ്രൊഫ.അലിയാര്‍ ,ജോര്‍ജ്ജ് ഓണക്കൂര്‍, പെരുമ്പുഴ ഗോപാലകൃഷ്ണന്‍ തുടങ്ങി നിരവധി പ്രമുഖര്‍ പങ്കെടുത്തു. കേരള സര്‍ക്കാരിന്റെ സാംസ്‌കാരിക വിനിമയ കേന്ദ്രമായ ഭാരത് ഭവന്റെയും ദേവരാജന്‍ മാസ്റ്റര്‍ മെമ്മോറിയല്‍ ട്രസ്റ്റിന്റെയും സംഘാടനത്തിലായിരുനു പരിപാടി.