തിരുവനന്തപുരം:  ഗണേശോത്സവ ട്രസ്റ്റ് കമ്മിറ്റിയുടെ ആഭിമുഖ്യത്തില്‍ സെപ്റ്റംബര്‍ 10 മുതല്‍ 18 വരെ നടക്കുന്ന ഗണേശോത്സവ പൂജകളുടെ ഭാഗമായിട്ടുള്ള ഗണേശ വിഗ്രഹ മിഴിതുറക്കല്‍ ചടങ്ങ് നടന്നു. കെ. മുരളീധരന്‍ എം.എല്‍.എ ചടങ്ങ് ഉദ്ഘാടനം ചെയ്തൂ. ചലച്ചിത്ര സീരിയല്‍ താരം രാജേഷ് ഹെബ്ബാര്‍ ചടങ്ങില്‍ മുഖ്യാതിഥിയായി പങ്കെടുത്തു. ഗണേശോത്സവ കമ്മിറ്റി പ്രസിഡന്റ് ജി. ശേഖരന്‍ നായരുടെ അദ്ധ്യക്ഷതയില്‍ നടന്ന ചടങ്ങില്‍ കമ്മിറ്റി ട്രസ്റ്റ് കണ്‍വീനര്‍ ആര്‍.ഗോപിനാഥന്‍ നായര്‍, ട്രസ്റ്റ് മുഖ്യകാര്യദര്‍ശി എം.എസ്. ഭുവനചന്ദ്രന്‍, ഓര്‍ഗനൈസിംഗ് സെക്രട്ടറി ജി. ജയശേഖരന്‍ നായര്‍, ട്രസ്റ്റ് കമ്മിറ്റി ഭാരവാഹികളായ കല്ലിയൂര്‍ ശശി, ഡോ. അശോകന്‍, ജോണ്‍സണ്‍  ജോസഫ്, എസ്.ആര്‍. കൃഷ്ണകുമാര്‍, ദിനേഷ് പണിക്കര്‍ തുടങ്ങിയവര്‍ സംബന്ധിച്ചു. ഗണേശോത്സവ പൂജാചടങ്ങുകള്‍ സെപ്റ്റംബര്‍ 10 ന് ആരംഭിക്കും.