ബര്ഴ്സലോണ-ചാമ്പ്യന്‍സ് ലീഗ്ക്വര്‍ട്ടറില്‍ ബയേണ്‍ മ്യൂണിക്കില്‍ നിന്നേറ്റ 8-2  തോല്‍വി അപമാനത്തെത്തുടര്‍ന്ന് ലയണല്‍ മെസ്സി ക്ലബ് വിടാന്‍ ആഗ്രഹിക്കുന്നുവെന്ന് റിപ്പോര്‍ട്ടുകള്‍ വന്നതോടെ അടുത്ത സീസണില്‍ റൊണാള്‍ഡ് കോമാന്റെ കീഴില്‍ ലയണല്‍ മെസ്സി ബാഴ്‌സലോണയില്‍ തുടരുമെന്ന് ക്ലബ് പ്രസിഡന്റ് ജോസെപ് മരിയ ബാര്‍ട്ടോമ്യൂ .
മെസ്സിക്ക് ബാഴ്‌സലോണ മടുത്തുവെന്നാണ് റിപ്പോര്‍ട്ട്, എന്നാല്‍ മെസ്സി പോകുന്നില്ലെന്നാണ് പ്രസിഡന്റ് പറയുനത്.
'ഞാന്‍ കോമാനുമായി സംസാരിച്ചു, ഞങ്ങളുടെ പദ്ധതിയുടെ നെടുംതൂണ്‍ മെസ്സിയാണ്,' '2021 വരെ അദ്ദേഹത്തിന് ഒരു കരാര്‍ ഉണ്ടെന്നും അതുവരെ തുടരുമെന്നും ബാര്‍ട്ടോമ്യൂ പറയുന്നു. സമീപഭാവിയില്‍ മെസ്സി ഒരു പുതിയ കരാറില്‍ ഒപ്പുവെക്കുമെന്ന് ബാര്‍ട്ടോമ്യൂ വിശ്വസിക്കുന്നു.
ജനുവരി മുതല്‍ ചുമതലയുള്ള മാനേജര്‍ ക്വിക്ക് സെറ്റിയനെ തിങ്കളാഴ്ച പുറത്താക്കി ഒരു ദിവസത്തിന് ശേഷം കായിക ഡയറക്ടര്‍ എറിക് അബിഡലും ക്ലബ് വിട്ടിരുന്നു.