തിരുവനന്തപുരം : കെടാമംഗലം സദാനന്ദന്‍ സ്മാരകകലാ സാംസ്‌കാരികവേദിയുടെ  പുരസ്‌കാരങ്ങള്‍  പ്രഖ്യാപിച്ചു. സിനിമാരംഗത്തു  നിന്ന് 'കലാസാഗര'  പുരസ്‌കാരത്തിന്  സംവിധായകന്‍  ജയരാജും പ്രൊഫഷണല്‍ നാടക രംഗത്തുനിന്ന്  ' ശ്രേഷ്ഠ കലാനിധി' പുരസ്‌കാരത്തിന്  വക്കം ഷക്കീറും അര്‍ഹരായി. കഥാപ്രസംഗരംഗത്തു നിന്ന് 'കാഥികരത്ന ' പുരസ്‌കാരത്തിന് നരിക്കല്‍ രാജീവ്കുമാറും അമേച്വര്‍ നാടക രംഗത്തുനിന്ന് 'കലാശ്രേഷ്ഠ'  പുരസ്‌കാരത്തിന് വി.ഡി. പ്രേംപ്രസാദും അര്‍ഹരായി.   25000 രൂപയും പ്രശസ്തി പത്രവും ഫലകവും  അടങ്ങുന്നതാണ് പുരസ്‌കാരം . ആലപ്പി ഋഷികേശ്, സൂരജ് സത്യന്‍,  പുളിമാത്ത് ശ്രീകുമാര്‍ എന്നിവരടങ്ങുന്ന സമിതിയാണ്  പുരസ്‌കാര ജേതാക്കളെ തെരഞ്ഞെടുത്തത്. ഏപ്രില്‍ 13ന് പറവൂരില്‍  നടക്കുന്ന കെടാമംഗലം സദാനന്ദന്‍ അനുസ്മരണ സമ്മേളനത്തില്‍ വച്ച് പുരസ്‌കാരങ്ങള്‍  സമര്‍പ്പിക്കും.