സാന്തിയാഗോ: 22 വര്ഷത്തെ കാത്തിരിപ്പിനു ശേഷം ഒരു കിരീടം നേടാമെന്ന കരുത്തരായ മെസിയുടെയും
സംഘത്തിന്റെയും മോഹങ്ങൾ തകര്ത്ത് ആതിഥേയരായ ചിലി കോപ്പ അമേരിക്ക
ഫുട്ബോള് കിരീടം സ്വന്തമാക്കി. ഷൂട്ടൗട്ടില് 4-1നാണ് ചിലി വിജയിച്ചത്.
ആദ്യമായാണ് ചിലി കോപ്പ അമേരിക്ക കിരീടം നേടുന്നത്. ഷൂട്ടൗട്ടില് ഹിഗ്വയ്ന്റെയും എവര് ബനേഗയുടെയും ഷോട്ടുകൾ ലക്ഷ്യം കാണാത്തതാണ് അർജന്റീനയുടെ തകര്ച്ചയ്ക്ക് കാരണമായത്. അധികസമയത്തും ഗോളൊന്നും വീഴാതെ വന്നതോടെ മല്സരം പെനല്റ്റി ഷൂട്ടൗട്ടിലേക്ക് നീങ്ങുകയായിരുന്നു.
പാരഗ്വയ്ക്കെതിരെ പുറത്തെടുത്ത കളിയൊന്നും അര്ജന്റീനയുടെ ഭാഗത്തു നിന്നു കണ്ടില്ല. അര്ജന്റീന ചിലിക്കെതിരെ കളി മറന്നവരെ പോലെ ആയിരുന്നു. കളം നിറഞ്ഞു കളിച്ചത് ചിലി ആയിരുന്നു. മെസ്സി വിയര്ത്തുകളിച്ചിട്ടും മുന്നേറ്റ നിര നിരാശപ്പെടുത്തി.
.