ഷിക്കാഗോ: കോപ്പ അമേരിക്ക ഫൈനലില്‍ അര്‍ജന്റീന-ചിലി പോരാട്ടം.  നിലവിലെ ചാമ്പ്യന്മാരായ ചിലി സെമി ഫൈനലില്‍ കൊളംബിയയെ 2-0ന് തകര്‍ത്ത് കോപ്പ അമേരിക്ക ഫുട്‌ബോള്‍ ഫൈനലില്‍ പ്രവേശിച്ചതോടെയാണ് വീണ്ടും അര്‍ജന്റീന-ചിലി പോരാട്ടത്തിനു കളമൊരുങ്ങിയത് . ചാള്‍സ് അരാങ്കിസ് (7), ഹൊസെ പെഡ്രോ ഫ്യുന്‍സാലിഡ (11) എന്നിവരുടെ ഗോളുകളാണ് ചിലിയെ കലാശക്കളിക്ക് അർഹരാക്കിയത്. 

കഴിഞ്ഞ കോപ്പ അമേരിക്ക ഫൈനലില്‍  അര്‍ജന്റീനയെ ഷൂട്ടൗട്ടില്‍ ചിലി 4-1ന് തോൽപ്പിച്ചാണ് കപ്പുയർത്തിയത്  കൊളംബിയ മൂന്നാം സ്ഥാനക്കാര്‍ക്കുവേണ്ടിയുള്ള മത്സരത്തില്‍ അമേരിക്കയുമായി ഏറ്റുമുട്ടും.