നാഗ്പൂര്‍: ട്വന്റി 20 ലോകകപ്പ് ക്രിക്കറ്റിലെ സൂപ്പര്‍ പത്ത് പോരാട്ടങ്ങള്‍ക്ക് ഇന്ന് തുടക്കം. മുന്‍ചാമ്പ്യന്മാരായ ഇന്ത്യയും  ന്യൂസിലാന്‍ഡും തമ്മില്‍ ആദ്യ മത്സരം. രാത്രി 7.30ന് നാഗ്പൂരിലെ വിദര്‍ഭ ക്രിക്കറ്റ് അസോസിയേഷന്‍ ഗ്രൗണ്ടിലാണ് പോരാട്ടം.  ഓസ്‌ട്രേലിയക്കതിരേ അവരുടെ നാട്ടില്‍ 30, ശ്രീലങ്കക്കെതിരേ സ്വന്തം നാട്ടില്‍ 21, ഏഷ്യാ കപ്പില്‍ ഫൈനലുള്‍പ്പെടെ അഞ്ചില്‍ അഞ്ചും വിജയിച്ച ഇന്ത്യ ന്യൂസിലാന്‍ഡിനെതിരെ ട്വന്റി 20 മത്സരത്തില്‍ ഇതുവരെ വിജയം നേടിയിട്ടില്ല. ഒരു ലോകകപ്പിലുള്‍പ്പെടെ നാല് മത്സരങ്ങളില്‍ ന്യൂസിലാന്‍ഡിനെതിരെ കളിച്ചെങ്കിലും സമ്പൂര്‍ണ്ണ തോല്‍വിയായിരുന്നു ഫലം. തോല്‍വികള്‍ക്ക് പകരം വീട്ടാനുള്ള അവസരം കൂടിയാണ് ഇന്ന് ഇന്ത്യക്ക് ലഭിക്കുന്നത്.