കോട്ടയം: കെപിസിസി പ്രസിഡന്റ് വി.എം. സുധീരന് മറുപടിയുമായി റവന്യൂ മന്ത്രി അടൂര്‍ പ്രകാശ്. വ്യക്തിപരമായി തേജോവധം ചെയ്യാനുള്ള ഗീബല്‍സിയന്‍ തന്ത്രമാണ് വിവാദത്തിനു പിന്നിലെന്നും തന്റെ ജീവിതം തുറന്ന പുസ്തകമാണെന്നും അടൂര്‍ പ്രകാശ് ഫേസ്ബുക്ക് പോസ്റ്റില്‍ കുറിച്ചു.

ആദര്‍ശരാഷ്ട്രീയത്തിന്റെ കുപ്പായം തനിക്ക് മാത്രമാണ് ചേരുന്നതെന്ന ചിന്തയാല്‍ കലക്ക വെള്ളത്തില്‍ മീന്‍ പിടിക്കാന്‍ ചിലര്‍ ശ്രമിക്കുകയാണെന്നും ഇവരുടെ കുപ്പായത്തിലെ ചേറ് വിവേകമുള്ള കേരളജനത തിരിച്ചറിയുമെന്നും അടൂര്‍ പ്രകാശിന്റെ ഫേസ്ബുക്ക് കുറിപ്പിലുണ്ട്.