കൊൽക്കത്ത: വനിതാ ടി20 ലോക കിരീടം വെസ്റ്റ് ഇന്‍ഡീസിന് . ഹാട്രിക് കിരീടം മോഹിച്ചെത്തിയ ഓസ്‌ട്രേലിയയെ എട്ടു വിക്കറ്റുകള്‍ക്ക് കീഴടക്കിയാണു വിന്‍ഡീസ് വനിതകള്‍ കന്നി ലോകകിരീടമുയര്‍ത്തിയത്. ഈഡന്‍ഗാര്‍ഡന്‍സില്‍ ആദ്യം ബാറ്റ് ചെയ്ത ഓസ്‌ട്രേലിയ 20 ഓവറില്‍ അഞ്ചു വിക്കറ്റിന് 148റണ്‍സെടുത്തു. മറുപടി ബാറ്റിംഗില്‍ വിന്‍ഡീസ് 19.3 ഓവറില്‍ രണ്ടു വിക്കറ്റ് മാത്രം നഷ്ടമാക്കി 149 റണ്‍സെടുത്തു. അര്‍ധ സെഞ്ചുറി നേടിയ ഓപ്പണര്‍ ഹെയ്‌ലി മാത്യൂസ്(45 പന്തില്‍ 66) ആണ് കളിയിലെ താരം.