മിലാന്‍: ചാമ്പ്യന്‍സ് ലീഗ് കിരീടം റയല്‍മാഡ്രിഡിന്. ആവേശകരമായ ഫൈനലില്‍ അത്‌ലറ്റിക്കോ മാഡ്രിഡിനെ  പെനാല്‍റ്റി ഷൂട്ടൌട്ടിൽൽ  (5–3) തോല്‍പ്പിച്ചാണ് റയല്‍ കിരീടം സ്വന്തമാക്കിയത്. ഇത് റയ ലിന്റെ പതിനൊന്നാമത്തെ ചാമ്പ്യന്‍സ് ലീഗ് കിരീടമാണ്.നിശ്ചിത സമയത്തും അധികസമയത്തും ഇരു ടീമുകളും ഓരോ ഗോള്‍ വീതം നേടി തുല്യത പാലിച്ചതിനാല്‍ മത്സരം ഷൂട്ടൌട്ടിലേക്ക് പോകുകയായിരുന്നു.

ഷൂട്ടൌട്ടിൽ റയലിന് വേണ്ടി കിക്ക് എടുത്ത എല്ലാവരും ലക്ഷ്യം കണ്ടു.  അത്‌ലറ്റിക്കോയുടെ നാലാം കിക്കെടുത്ത ജോണ്‍ഫ്രണിന്റെ ഷോട്ട് റയല്‍ ഗോളി തടത്തിട്ടു. റയലിന്റെ അവസാന കിക്കെടുത്ത  ക്രിസ്റ്റ്യാനോ റൊണാള്‍ഡോ ലക്ഷ്യം കണ്ടതോടെ റയലിന് ചാമ്പ്യന്‍സ് ലീഗ് കിരീടം സ്വന്തമായി.

ആദ്യ പകുതിയുടെ 16ാം മിനിറ്റില്‍ സെര്‍ജിയോ റാമോസ് റയലിനായി ഗോള്‍ നേടിയെങ്കിലും 80-ാം മിനിറ്റില്‍ യാനിക് കരാസ്‌കോ അത്‌ലറ്റിക്കോയ്ക്കു വേണ്ടി ഗോള്‍ മടക്കി. 47-ാം മിനിറ്റില്‍ ഫെര്‍ണാണേ്ടാ ടോറസിനെ പെപെ പെനല്‍റ്റി ബോക്‌സില്‍ വീഴ്ത്തിയതിന് അത്‌ലറ്റിക്കോയ്ക്കു പെനല്‍റ്റി ലഭിച്ചെങ്കിലും അന്റോയ്ന്‍ ഗ്രീസ്മാന്റെ കിക്ക് ക്രോസ് ബാറില്‍ തട്ടിത്തെറിച്ചു.