ആലപ്പുഴ നെടുമുടി എൻ എസ്‌ എസ്‌ ഹയർ സെക്കന്ററി കൊട്ടാരം സ്കൂളിലെ  ഏഴാം ക്ലാസ് വിദ്യാർത്ഥിനി ക്രിസ്റ്റീന സോണി  വിദ്യാലയത്തിലും  നാട്ടിലും  കൊച്ചുതാരമാണ്. നൃത്തം, അഭിനയം, സംഗീതം,  ചെണ്ടമേളം , സൈക്ലിംഗ് തുടങ്ങിയവയിൽ ഈ 13 വയസുകാരി മികവ്  പുലർത്തുന്നു. ആലപ്പുഴ  പുന്നശ്ശേരി ഹൗസിൽ സോണി ജോർജിന്റെയും സിസി സോണിയുടെയും  രണ്ടു  മക്കളിൽ മൂത്തതാണ് ക്രിസ്റ്റീന.  ചമ്പക്കുളം ഗ്രാമ  പഞ്ചായത്ത്‌ പ്രസിഡന്റായിരുന്ന പരേതനായ പാപ്പച്ചൻ പുന്നശ്ശേരിയുടെ മകന്റെ മകളാണ്.മൂന്നു വർഷം മുമ്പ് സെന്റ് ജോസഫ് ചർച്ചിൽ മേയ്മാസ പെരുന്നാളിന് ക്രിസ്റ്റീനയും അനുജത്തി ഹന്ന സോണിയും ചേർന്നുള്ള  നൃത്ത അവതരണമായിരുന്നു ക്രിസ്റ്റീനയുടെ ആദ്യ സ്റ്റേജ് അനുഭവം.