തിരുവനന്തപുരം:സഹോദരങ്ങളായ സതീഷ് ബാബുസേനൻ സന്തോഷ് ബാബുസേനൻ എന്നിവർ രചനയും സംവിധാനവും നിർവഹിച്ച ഒറ്റയാൾ പാതയുടെ തലസ്ഥാനനഗരത്തിലെ ആദ്യ പ്രദർശനം ബാനർ ഫിലിം സൊസൈറ്റിയുടെ ആഭിമുഖ്യത്തിൽ നാല് ബുധൻ വൈകുന്നേരം അഞ്ചു മണിക്ക് ടഗോർ തീയേറ്ററിന് സമീപത്തെ ലെനിൻ ബാലവാടിയിൽ നടക്കും.   അച്ഛൻ മകൻ ബന്ധത്തിന്റെ ഹൃദ്യയസ്‌പൃക്കായ ദൃശ്യാവിഷ്കാരമാണ് ഒറ്റയാൾ പാത. 38  മത് കെയ്‌റോ അന്താരാഷ്ട്ര ചലച്ചിത്ര മേളയിലെ മത്സര വിഭാഗത്തിൽ പ്രദർശിപ്പിച്ച ഒറ്റയാൾ പാത 18 മത് മാമി ചലച്ചിത്രമേളയിൽ ഇന്ത്യ ഗോൾഡ്, സിൽവർ ഗേറ്റ്‌വേ പുരസ്കാരകങ്ങൾ കരസ്ഥമാക്കിയാണ്   അനന്തപുരിയിലെത്തുന്നത്.

പ്രേക്ഷകശ്രദ്ധ നേടിയ ചായം പൂശിയ വീടായിരുന്നു (2015) സേനൻ സഹോദരന്മാരുടെ ആദ്യ ചിത്രം.   പ്രദർശനവേദിയിൽ ചിത്രത്തിന്റെ സംവിധായകർ , അഭിനേതാക്കൾ സാങ്കേതികപ്രവർത്തകർ എന്നിവരുടെ സാന്നിദ്ധ്യമുണ്ടാകും. കെ കലാധരൻ , ശരത് സഭാ , കൃഷ്ണ പ്രിയ എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്.