തിരുവനന്തപുരം:അപ്പോത്തിക്കിരിയിലെ അഭിനയത്തിന് സംസ്ഥാന ചലച്ചിത്ര ജൂറിയുടെ പ്രത്യേക പരാമർശത്തിന് അര്ഹനായ ഇന്ദ്രൻസിന്   പി ശ്രീകുമാറിന്റെ പുസ്തക പ്രകാശന ചടങ്ങിൽ ആദരവ് .    ഭാരത് ഭവന്റെ തിരുമുറ്റത്ത് നടന്ന ചടങ്ങിൽ പുസ്തക പ്രകാശനത്തിന് ശേഷം പിണറായി വിജയൻ ഇന്ദ്രൻസിനെ പൊന്നാട അണിയിച്ചാദരിച്ചു. 

പി ശ്രീകുമാറിന് ആശംസയർപ്പിക്കാൻ എത്തിയതായിരുന്നു ഇന്ദ്രൻസ്. തന്റെ മൂന്നു പതിറ്റാണ്ടിനപ്പുറം നീളുന്ന സിനിമ അഭിനയ ജീവിതത്തിനിടയിൽ കിട്ടുന്ന ഏറ്റവും വലിയ അംഗീകാരകാരമാണീ ജൂറി പരാമർശം.  ഇപ്പോഴെങ്കിലും അവരുടെ കണ്ണിൽ ഞാൻ പതിഞ്ഞല്ലോ എന്നോര്ത്ത് വലിയ സന്തോഷം തോന്നുന്നു.  മറുപടി പ്രസംഗത്തിൽ ഇന്ദ്രൻസ് പറഞ്ഞു . സതീഷ്ബാബു പയ്യന്നൂർ,പി ശ്രീകുമാർ മണിയൻപിള്ള രാജു,മേനക സുരേഷ്,ജി സുരേഷ്കുമാർ,പ്രൊഫ.അലിയാര്,,റോസ് മേരി തുടങ്ങിയരുടെ സാന്നിദ്ധ്യത്തിലായിരുന്നു ആദരവ്.