തിരുവനന്തപുരം:ബോംബെ എസ്. കമാല്‍ അവസാനമായി സംഗീത സംവിധാനം നിര്‍വഹിച്ച ഹൃദയ സരോരവരം എന്ന സംഗീത ആല്‍ബത്തിന്റെ പ്രകാശനം മുന്‍ മുഖ്യമന്ത്രി ഉമ്മന്‍ചാണ്ടി കവിയും ഗാനരചയിതാവുമായ പൂവച്ചല്‍ ഖാദറിന് സിഡി നല്‍കിനിര്‍വഹിച്ചു. സിഡിയുടെ ആദ്യ വില്‍പന പൂവച്ചല്‍ ഖാദര്‍, സംഗീതജ്ഞനായ ഡോ. വാഴമുട്ടം ബി. ചന്ദ്രബാബുവിന് നല്‍കി നിര്‍വഹിച്ചു. ഉമ്മന്‍ചാണ്ടി, പൂവച്ചല്‍ ഖാദര്‍ എന്നിവരെ ചടങ്ങില്‍ ആദരിച്ചു. സിനിമ പി ആര്‍ ഒ റഹിം പനവൂര്‍, ബോംബെ എസ്. കമാലിന്റെ മകള്‍ നജുമുനിസ കമാല്‍, ചെറു മകള്‍ ഷഹനാസ്, ഹൃദയാ പ്രൊഡക്ഷന്‍സ് ഉടമ രജി ഏദന്‍, ബാബു ജോസ്, അഡ്വ: ഷിബുകുമാര്‍, ശ്യാംലാല്‍, കല്ലാര്‍ ഗോപകുമാര്‍ തുടങ്ങിയവര്‍ സംസാരിച്ചു.

ഹൃദയാ പ്രൊഡക്ഷന്‍സിന്റെബാനറില്‍ രജി ഏദന്‍ ആണ് ഈ ആല്‍ബം നിര്‍മിച്ചത്. കല്ലാര്‍ ഗോപകുമാര്‍, രജി ഏദന്‍, സുഭാഷ് ചേര്‍ത്തല, ലക്ഷ്മി. എസ് എന്നിവരാണ് ഗാനങ്ങള്‍ രചിച്ചത്. ബോംബെ എസ്. കമാലിനെ കൂടാതെ സുശീല്‍ തലശ്ശേരി, റജി, അച്യുതന്‍ കൈപ്പട്ടൂര്‍, അലാഡിന്‍ നസീര്‍ എന്നിവരും സംഗീതം നല്‍കിയിട്ടുണ്ട്. എം.ജി. ശ്രീകുമാര്‍, സുദീപ്കുമാര്‍, അഫ്‌സല്‍, വിധു പ്രതാപ്, കെ. നുജൂം, സുജാത മോഹന്‍, മഞ്ജരി, നയന നായര്‍, ശാലിനി. എല്‍, ഹെസ്‌ലി എബ്രഹാം, മെറിന്‍ ഗ്രിഗറി, അശ്വനി ചന്ദ്രന്‍ എന്നിവരാണ് ഗായകര്‍.