ARTS06/03/2019
ഭാരത് ഭവനിലെ ഹരിതസന്ധ്യ ഹൃദ്യമായി
ayyo news service
പ്രവാസി ഭാരതി കേരള ചലച്ചിത്ര പ്രതിഭാ പുരസ്‌കാരം ഇന്ദ്രന്‍സിന് ഡെപ്യൂട്ടിസ്പീക്കര്‍ വി.ശശി സമ്മാനിക്കുന്നു.
തിരുവനന്തപുരം: നിത്യഹരിത നടന്മാരായ പ്രേംനസീര്‍, സത്യന്‍, ജയന്‍ എന്നിവരുടെ സ്മരണാര്‍ത്ഥം ഭാരത് ഭവനും നിത്യഹരിത കള്‍ച്ചറല്‍ ആന്‍ഡ്ചാരിറ്റബിള്‍സൊസൈറ്റിയും പ്രവാസി ഭാരതി ന്യൂസ് ബുള്ളറ്റിനും സംയുക്തമായി ഭാരത് ഭവനില്‍ സംഘടിപ്പിച്ച ഹരിതസന്ധ്യ എന്ന പരിപാടിയുടെ ഉദ്ഘാടനം നിയമസഭ ഡെപ്യൂട്ടിസ്പീക്കര്‍ വി.ശശി നിര്‍വഹിച്ചു. 2019 ലെ പ്രവാസി ഭാരതി ചലച്ചിത്ര പ്രതിഭ പുരസ്‌കാരം ചലച്ചിത്ര നടന്‍ ഇന്ദ്രന്‍സിന് സമ്മാനിച്ചു. സിനിമാ പിണി ഗാനരംഗത്ത് ഇരുപത് വര്‍ഷം പൂര്‍ത്തിയാക്കിയ ഗായകന്‍ വി.ദേവാനന്ദ്, പ്രൊഫ.എം.സിദ്ദിഖുല്‍കബീര്‍, വള്ളക്കടവ്ഷാഫി, , ആശ ജീവന്‍ സത്യന്‍, അഡ്വ. സമീര്‍സിദ്ദിഖി, ഗോപന്‍ ശാസ്തമംഗലം, ചേരിയില്‍ ഹേമചന്ദ്രന്‍ നായര്‍, സബീര്‍തൊളിക്കുഴി, ആര്യ. എ.ആര്‍, ഈശ്വര്‍ എം.വിനയന്‍ എന്നിവരെ നിത്യഹരിത സൊസൈറ്റി ചടങ്ങില്‍ ആദരിച്ചു. നിത്യഹരിത നായകന്‍ പ്രേംനസീറിന്റെസ്മരണയില്‍ പതിമൂന്ന് ഗാനരചയിതാക്കളുടെ ഗാനങ്ങള്‍ ഡോ.വാഴമുട്ടം ബി.ചന്ദ്രബാബു ഈണം നല്‍കി ആലപിക്കുന്നതും റഹിം പനവൂരിന്റെ സംവിധാനത്തില്‍ ഒരുക്കുതുമായ വീഡിയോ ആല്‍ബം'നിത്യഹരിതഗീതകം'പോസ്റ്റര്‍ ഡെപ്യൂട്ടിസ്പീക്കര്‍ വി.ശശി നടന്‍ ഇന്ദ്രന്‍സിന് നല്‍കി റിലീസ് ചെയ്തു. നടന്മാരായ പ്രേംനസീര്‍, സത്യന്‍, ജയന്‍ എിവരുടെസ്മരാണാര്‍ത്ഥം നിത്യഹരിത സൊസൈറ്റി സംഘടിപ്പിച്ച ക്വിസ്, പെയിന്റിംഗ്, പ്രേംനസീര്‍ ക്വിസ് എന്നി മത്സരങ്ങളിലെ വിജയികള്‍ക്ക് ചടങ്ങില്‍ സമ്മാനം വിതരണംചെയ്തു. നവകേരളത്തിന്റെ വികസന പ്രതീക്ഷകള്‍ എന്ന വിഷയത്തെ ആസ്പദമാക്കി നടന്ന ഉപന്യാസരചനാ മത്സരത്തിലെ വിജയികള്‍ക്കും സമ്മാനം വിതരണം ചെയ്തു.ഡെപ്യൂട്ടി മേയര്‍ അഡ്വ. രാഖി രവികുമാര്‍ മുഖ്യാതിഥിയായിരുന്നു. ഭാരത് ഭവന്‍ മെമ്പര്‍ സെക്രട്ട'റി പ്രമോദ് പയ്യന്നൂ ര്‍ മുഖ്യപ്രഭാഷണം നടത്തി. കവിയും ഗാനരചയിതാവുമായ ചുനക്കര രാമന്‍കുട്ടി പ്രേംനസീര്‍-സത്യന്‍-ജയന്‍ അനുസ്മരണ പ്രഭാഷണം നടത്തി. മൂന്ന് നടന്മാരുടെയും കുടുംബാംഗങ്ങള്‍ ചടങ്ങില്‍ പങ്കെടുത്തു.
വീഡിയോ ആല്‍ബത്തിന്റെ പോസ്റ്റര്‍ ഡെപ്യൂട്ടിസ്പീക്കര്‍ വി.ശശി ഇന്ദ്രന്‍സിന് നല്‍കി പ്രകാശനം ചെയ്യുന്നു.
ഗോപന്‍ ശാസ്തമംഗലത്തിന്റെ അപൂര്‍വ്വങ്ങളായ പ്രസിദ്ധീകരണങ്ങളുടെ ശേഖര പ്രദര്‍ശനം, പ്രേംനസീര്‍-സത്യന്‍-ജയന്‍ പെയിന്റിംഗ്ചിത്രങ്ങളുടെ പ്രദര്‍ശനം, നിത്യഹരിതസൊസൈറ്റി ഗായകന്‍ വര്‍ഗ്ഗീസ് പൗലോസ് നയിച്ച കലാവിരുന്ന് എന്നി വയും ഉണ്ടായിരുന്നു പ്രവാസി ബന്ധു ഡോ.എസ് അഹമ്മദ് അദ്ധ്യക്ഷത വഹിച്ചു. ജീവന്‍ സത്യന്‍, താജ് ബഷീര്‍, കാഞ്ചിയോട് ജയന്‍, എ.ഷുക്കൂര്‍, നിത്യഹരിതസൊസൈറ്റി പ്രസിഡന്റ്‌ റഹിം പനവൂര്‍, ട്രഷറര്‍ ബൈജു തീര്‍ത്ഥം, പ്രൊഫ. എം.സിദ്ദിഖുല്‍കബീര്‍, ഡോ.വാഴമുട്ടം .ബി.ചന്ദ്രബാബു, നൗഷാദ്കായ്പ്പാടി, എല്‍.ആര്‍.വിനയചന്ദ്രന്‍, കടയ്ക്കല്‍രമേശ്, വള്ളക്കടവ്ഷാഫി, ഡോ.പി.ഷാനവാസ്, തോപ്പില്‍സുരേന്ദ്രന്‍, ഡോ.ഗീതാഷാനവാസ്, ആശാ ജീവന്‍ സത്യന്‍, ഷെമിആലത്തൂര്‍, ഗോപന്‍ ശാസ്തമംഗലം, ഷിയാസ്എസ്.ഷുക്കൂര്‍, കവിതവിശ്വനാഥ് തുടങ്ങിയവർ സംസാരിച്ചു.
ഇന്ദ്രന്‍സിന് നിത്യഹരിതസൊസൈറ്റി പ്രസിഡന്റ്‌റഹിം പനവൂര്‍ ഉപഹാരം നല്‍കുന്നു
Views: 1517
SHARE
CINEMA
'സൂപ്പര്‍ ജിമ്‌നി ' 'പൂര്‍ത്തിയായി
NEWS
പി. ഭാസ്‌കരന്‍ സ്മൃതി പുരസ്‌കാരം മങ്കൊമ്പ് ഗോപാലകൃഷ്ണന് സമര്‍പ്പിച്ചു
P VIEW
ഡോ. വാഴമുട്ടം ചന്ദ്രബാബുവിന് മികച്ച സംഗീത സംവിധായകനുള്ള സത്യജിത് റേ പുരസ്‌കാരം
HEALTH
ട്രിവാന്‍ഡ്രം ഒഫ്താല്‍മിക് ക്ലബ്ബ് വാക്കത്തണ്‍ സംഘടിപ്പിച്ചു
OF YOUTH
'ശിവതാണ്ഡവം' സിഡി റിലീസ് ചെയ്തു
L ONLY
ദ ക്രൗണ്‍ ഓഫ് ഗ്ലോറി സൗന്ദര്യ മത്സരം മിസിസ് കേരളത്തിന്റെ സീസണ്‍-1
Create Date: 24.02.2024
