തിരുവനന്തപുരം : നിത്യഹരിത കള്‍ച്ചറല്‍ ആന്റ് ചാരിറ്റബിള്‍ സൊസൈറ്റിയുടെ നിത്യശ്രേഷ്ഠ പുരസ്‌കാരം - 2020 ചലച്ചിത്ര മാധ്യമ പ്രവര്‍ത്തകനും എഴുത്തുകാരനുമായ രമേഷ്ബിജു ചാക്കയ്ക്ക് സമ്മാനിച്ചു. തിരുവനന്തപുരം ആനയറ മഹാരാജാ ഗാര്‍ഡന്‍സ് റസിഡന്റ്‌സ് അസോസിയേഷന്റെ 20-ാം വാര്‍ഷികാഘോഷവും കുടുംബസംഗമവും നടന്ന ചടങ്ങില്‍വച്ച് അസോസിയേഷന്‍ വൈസ് പ്രസിഡന്റു കൂടിയായ രമേഷ്ബിജുവിന് സഹകരണ - ദേവസ്വം - ടൂറിസം വകുപ്പ് മന്ത്രി കടകംപള്ളി സുരേന്ദ്രന്‍ പുരസ്‌കാരം നല്‍കി. തിരുവനന്തപുരം നഗരസഭ മേയര്‍ കെ. ശ്രീകുമാര്‍, ഡോ. കെ.പി. ഹരിദാസ്, കൗണ്‍സില്‍ ശോഭാറാണി, സൊസൈറ്റി പ്രസിഡന്റ് റഹിം പനവൂര്‍, അസോസിയേഷന്‍ പ്രസിഡന്റ് ജി. മുരളി, സെക്രട്ടറി എസ്. തുളസീധരന്‍, ട്രഷറര്‍ എസ്. ശശിശേഖരന്‍ നായര്‍, പി.കെ. ഗോപകുമാര്‍, സെബാസ്റ്റ്യന്‍ ജെ, സുരേഷ് തുടങ്ങിയവര്‍ സംബന്ധിച്ചു.