തിരുവനന്തപുരം: സംഗീത ദിനാഘോഷം ആദ്യകാല ചലച്ചിത്ര ഗായകന്‍ ചിറയിന്‍കീഴ് പി.കെ. മനോഹരന് ഗുരുപൂജയും ആദരവും നടത്തി ജി. ദേവരാജന്‍ മെമ്മോറിയല്‍ ട്രസ്റ്റുമായി ചേർന്ന് ഭാരത് ഭവന്‍ ശെമ്മങ്കുടി സ്മൃതിയില്‍ ആചരിച്ചു. ടൂറിസം-ദേവസ്വം  വകുപ്പ് മന്ത്രി കടകംപള്ളി സുരേന്ദ്രന്‍ ഉദ്ഘാടനവും, ശ്രീകുമാരന്‍ തമ്പി മുഖ്യ പ്രഭാഷണവും നടത്തിയ ചടങ്ങില്‍ സ്വാമി ഗുരു രത്‌നം ജ്ഞാനതപസ്സി അധ്യക്ഷത വഹിച്ചു. പ്രൊഫ. അലിയാര്‍, ടി.പി. ശാസ്തമംഗലം, പ്രമോദ് പയ്യന്നൂര്‍, ഡോ. ഓമനക്കുട്ടി വയലാര്‍ മാധവന്‍കുട്ടി കരമന ഹരി തുടങ്ങിയവര്‍ സാംസ്‌കാരിക യോഗത്തില്‍ സംസാരിച്ചു. പൊതുധാരയില്‍ നിന്നും വിസ്മൃതനായിരുന്ന പി.കെ. മനോഹരന്റെ കഷ്ടപ്പാടും, ദുരിതവും നിറഞ്ഞ ജീവിതത്തെക്കുറിച്ചു സോഷ്യല്‍ മീഡിയയിലൂടെ പുറം ലോകത്തെ അറിയിച്ചവര്‍ ഉള്‍പ്പടെ കലാസാംസ്‌കാരിക രംഗത്തെ സുമനസ്സുകള്‍ അദ്ദേഹത്തെ സഹായിക്കുന്നതിനും ആദരിക്കുതിനും ഒത്തുചേര്‍ന്നു തുടർന്ന് ദേവരാഗപുരം ഗായക സംഘം വി.കെ. മനോഹരന്‍ ആലപിച്ച ഗാനങ്ങള്‍ ഉള്‍പ്പെടുത്തി ഗാനാഞ്ജലി അവതരിപ്പിച്ചു.