ട്രിപ്പോളി: ഭീകരര്‍ റാഞ്ചിയ ലിബിയന്‍ വിമാനത്തില്‍നിന്നും മുഴുവന്‍ യാത്രക്കാരെയും വിട്ടയച്ചു. റാഞ്ചികളും സക്കാരും തമ്മിലുണ്ടായ ധാരണയുടെ അടിസ്ഥാനത്തിലാണ് 111 യാത്രക്കാരെയും വിട്ടയച്ചത്. ഏഴ് ജീവനക്കാരില്‍ ഏതാനും ചിലരും റാഞ്ചികളും ഇപ്പോഴും വിമാനത്തില്‍ തന്നെയാണുള്ളത്. റാഞ്ചികള്‍ സ്ത്രീകളേയും കുട്ടികളേയുമാണ് ആദ്യം വിട്ടയച്ചത്. പിന്നീട് മുഴുവന്‍ പേരെയും വിട്ടയക്കുകയായിരുന്നു. 

ആഭ്യന്തര സര്‍വീസ് നടത്തുന്ന  വിമാനമാണ് രണ്ടു ഭീകരര്‍ റാഞ്ചിയത്. പ്രാദേശിക സമയം രാവിലെ 11.32 നാണ് വിമാനം മാള്‍ട്ടയിലിറക്കിയത്. രാവിലെ 10.10 ന് സേബയില്‍നിന്ന് പുറപ്പെട്ട വിമാനം 11.20 ന് ട്രിപ്പോളിയില്‍ ഇറങ്ങേണ്ടതായിരുന്നു.