അങ്കാറ: തുര്‍ക്കിയില്‍ ഇസ്താംബൂളിലെ  നിശാക്ലബില്‍ സാന്റാക്ലോസിന്റെ വേഷത്തിലെത്തിയ അക്രമിയുടെ വെടിയേറ്റു 35 പേര്‍ കൊല്ലപ്പെട്ടു. 40 പേരെ പരിക്കുകളോടെ ആശുപത്രിയില്‍ പ്രവേശിപ്പിച്ചു. പലരുടേയും നില ഗുരുതരമാണ്. ഞായറാഴ്ച പുലര്‍ച്ചെ 1.15ഓടെ ക്ലബിലെത്തിയ എത്തിയ അക്രമി നൃത്തം ചെയ്തു കൊണ്ടിരുന്നവര്‍ക്കുനേരെ യന്ത്രത്തോക്കുകള്‍ ഉപയോഗിച്ച് വെടിവയ്ക്കുകയായിരുന്നു. ഭീകരാക്രമണമാണ് നടന്നതെന്ന് പോലീസ് സ്ഥിരീകരിച്ചു.

ഒര്‍ട്ടാകോയ് മേഖലയിലെ റീന ക്ലബിലാണു വെടിവയ്പുണ്ടായത്. സംഭവം നടക്കുമ്പോള്‍ അറുനൂറോളം പേര്‍ ക്ലബ്ബിലുണ്ടായിരുന്നു. നഗരത്തില്‍ 17,000 പോലീസുകാരെ വിന്യസിച്ചിരുന്നു. അതിനിടെയാണ് ആക്രമണം നടന്നത്.