റോഷി അഗസ്റ്റിൻ, പി ജെ ജോസഫ്,  സി എഫ് തോമസ്, കെ എം മാണി
തിരുവനന്തപുരം: അറുപതു ദിവസത്തിനുള്ളിൽ കസ്തുരി രംഗൻ റിപ്പോർട്ടിന്മേൽ അന്തിമ വിജ്ഞാപനം പുറപ്പെടുവിച്ചില്ലെങ്കിൽ കേരളം കോൺഗ്രസ്സിന്റെ ശക്തമായ സമരം സർക്കാരിന് നേരിടേണ്ടി വരുമെന്ന് കെ എം മാണി എം എൽ എ പറഞ്ഞു.  കസ്തുരി രംഗൻ റിപ്പോർട്ടിന്മേൽ അന്തിമ വിജ്ഞാപനം ഉടൻ പുറപ്പെടുവിക്കണം എന്നാവശ്യപ്പെട്ടു റോഷി അഗസ്റ്റിൻ എംഎൽ എ സെക്രട്ടറിയേറ്റ് നടയിൽ നടത്തിയ ഉപവാസ സമരം ഉദ്ഘാടനം ചെയ്യുകയായിരുന്നു അദ്ദേഹം.  അന്തിമ വിജ്ഞാപനം നടത്തേണ്ടത് ഇടുക്കിയിലേയും മലയോര കർഷകർക്കും ആവിശ്യമാണ്. ഇതൊരു വലിയ പ്രശ്നമാണ് എന്നും കെ എം മാണി പറഞ്ഞു.  പി ജെ ജോസഫ് എം എൽ എ, മോൻസ്  ജോസഫ് എം എൽ എ , സി എഫ് തോമസ് എം എൽ എ എന്നിവർ സംബന്ധിച്ചു.