ന്യൂഡല്‍ഹി:അധികാരത്തില്‍ നൂറുദിനം പൂര്‍ത്തിയാക്കിയതിന്റെ ഭാഗമായി എഎപി സര്‍ക്കാര്‍ ഇന്നു ഡല്‍ഹിയിലെ കൊണാട്ട് പ്ലേസിലെ സെന്‍ട്രല്‍ പാര്‍ക്കില്‍ 'ജന സഭ' കൂടും. 

ഈ   യോഗത്തിൽ മുഖ്യമന്ത്രി അരവിന്ദ് കെജ്രിവാൾ, മന്ത്രിമാര്‍, പാര്‍ട്ടി എംഎല്‍എമാര്‍ എന്നിവര്‍ക്കു പുറമേ വിവിധ മേഖലകളിലെ പ്രമുഖരുള്‍പ്പടെ 5000 പേര്‍ യോഗത്തില്‍ പങ്കെടുക്കുമെന്നാണു കരുതുന്നത്. ഇന്ന് യോഗം  പ്രധാനമായും ലക്‌ഷ്യം വയ്ക്കുന്നത് കേന്ദ്രത്തെ ആകും.

എന്നാല്‍ യോഗത്തിന് ഡല്‍ഹി പൊലീസ് ഇതുവരെ അനുമതി നല്‍കിയിട്ടില്ല. എന്‍ഡിഎംസി (ന്യൂഡല്‍ഹി മുനിസിപ്പല്‍ കൗണ്‍സില്‍) ആണ് അനുമതി തേടിയിരിക്കുന്നതെന്നും ഇത് അവരുടെ അധികാരപരിധിയില്‍ വരുന്ന വിഷയമല്ലെന്നുമാണു പൊലീസ്.

സര്‍ക്കാര്‍ നേട്ടങ്ങള്‍ പൊതുജനങ്ങളുമായി പങ്കുവയ്ക്കുന്ന മഹാ സംവാദമായാണു 'ജന സഭ' യെ വിഭാവന ചെയ്തിരിക്കുന്നത്.