ഘോഷയാത്ര ദർശിക്കാനെത്തിയരും പിന്തുടരുന്നവരുമായി വലിയ ഒരു ജനക്കൂട്ടം പ്രധാന വഴിയിൽ ഉണ്ടായിരുന്നു. നിരവധി വാഹനങ്ങളും   പാർക്ക് ചെയ്തിരുന്നു. വ്യാപാര സ്ഥാപനങ്ങളും അടുക്കിവച്ചതുപോലെ വീടുകളും എല്ലാമുള്ള ആ പ്രദേശത്തെ ഉപേക്ഷിച്ച് ഇടുങ്ങിയ വഴി തെരെഞ്ഞെടുത്ത് ആ കൊമ്പൻ ഓടിയതു കൊണ്ട്  വൻ ദുരന്തം ഒഴിവായി..  പടിഞ്ഞാറേ കോട്ടയ്ക്ക് സമീപത്ത് വച്ചാണ് ആന വിരണ്ടോടിയത്. ഘോഷയാത്ര വിഗ്രഹങ്ങൾ കോട്ട കടന്നു പോകുമ്പോൾ കത്തിച്ച ആചാര വെടി ശബ്ദമാണ് ആനയെ വിരട്ടിയത്.  വെടി ശബ്ദത്തെ ഭയന്നോടിയ ആന ആക്രമണകാരിയാകാതെ ബഹളത്തിൽ നിന്നകന്ന് നിൽക്കാനാണ് ശ്രമിച്ചത്.  വര്ഷങ്ങളായി തുടർന്ന് വരുന്ന ഈ വെടി ആചാരത്തിനിടെ ഘോഷയാത്രയിൽ പങ്കെടുത്ത ഒരാനയും ആറാട്ട് ചരിത്രത്തിൽ  ഇന്നുവരെ വിരണ്ടോടിയിട്ടില്ലെന്നാണ് സംസാരം. അതെ സമയം ഈ ആന തന്നെ മുൻപ് ശ്രീ പത്തനാഭസ്വാമിയുടെ ആറാട്ടെഴുന്നള്ളിന് ശംഖുമുഖത്ത്‌വച്ച് ഇടഞ്ഞതായും പറയപ്പെടുന്നു. 

വൈകുന്നേരം അഞ്ചുമണിക്ക് ക്ഷേത്രത്തിന്റെ പടിഞ്ഞാറേ നടയിൽ നിന്നാരംഭിച്ച ആറാട്ടു ഘോഷയാത്ര ശാന്തവും ഭക്തിനിര്ഭരവുമായിരുന്നു. അവിടുന്ന് കുറച്ചകലെയുള്ള പടിഞ്ഞാറേകോട്ടക്കവടത്തിലെത്തിയപ്പോൾ ഭാവം മാറി. ഭക്തജനങ്ങൾ ജീവഭയത്താൽ ആന വിരണ്ടേ എന്ന് വിളിച്ച് നാലുപാടും ചിതറി ഓടി. അവിടുന്ന് ഉദ്ദേശം രണ്ടു കിലോമീറ്ററകൾക്കപ്പുറം ഒരു പുരയിടത്തിലെത്തി ആന ഓട്ടം നിർ.ത്തി. അവിടെ തളച്ചു. ഭയം മാറിയ ആനയെ അവിടെ ശാന്തനായി കാണപ്പെട്ടു.