തിരുവനന്തപുരം:. നുണപരിശോധനയ്ക്ക് 16 ചോദ്യങ്ങളാണ് അമ്പിളിയോട് ചോദിച്ചത്. അതില്‍ 13നും നല്‍കിയ ഉത്തരങ്ങള്‍ സത്യസന്ധമെന്ന് തെളിഞ്ഞു.

ഡോ. പ്രദീപ് സജി ഒപ്പിട്ട മൂന്ന് പേജുള്ള ഫലമാണ് പുറത്തുവന്നത്. 2014 ഏപ്രില്‍ 2ന് രാജ്കുമാര്‍ ഉണ്ണിയെയും മറ്റ് ബാര്‍ ഉടമകളെയും ബിജു രമേശിന്റെ കാറില്‍ മന്ത്രി കെ.എം. മാണിയുടെ വസതിയിലെത്തിച്ചതിനെ കുറിച്ചുള്ള എല്ലാ ചോദ്യങ്ങള്‍ക്കും സത്യസന്ധമായ ഉത്തരമാണ് നല്‍കിയത്.

കഴിഞ്ഞ തിങ്കളാഴ്ചയാണ് പോലീസ് ആസ്ഥാനത്തെ ഫോറന്‍സിക് ലാബില്‍ അമ്പിളിക്ക് നുണ പരിശോധന നടത്തിയത്. വിജിലന്‍സ് സംഘത്തിന്റെ അപേക്ഷ പരിഗണിച്ചായിരുന്നു ഇത്.