തിരുവനന്തപുരം:പുതിയ സാങ്കേതിക സര്‍വകലാശാലയ്ക്ക് എ.പി.ജെ. അബ്ദുല്‍ കലാമിന്റെ പേര്. കേരള സാങ്കേതിക സര്‍വകലാശാല 2015 ബില്ലിലൂടെയാണു നിയമസഭ തീരുമാനമെടുത്തത്. എ.പി.ജെ. അബ്ദുല്‍ കലാം കേരള സാങ്കേതിക സര്‍വകലാശാല എന്നാകും സര്‍വകലാശാല അറിയപ്പെടുക.

സാധാരണജീവിതത്തില്‍ നിന്നു സ്വപ്രയത്‌നത്തിലൂടെ ലോകത്തിന്റെ നെറുകയിലെത്തിയ കലാമിന്റെ പേര് സ്വീകരിക്കുന്നതു സര്‍വകലാശാലയ്ക്കു പുതിയ ദിശാബോധം നല്‍കുമെന്നു ബില്‍ അവതരിപ്പിച്ചു മന്ത്രി പി.കെ. അബ്ദുറബ്ബ് പറഞ്ഞു. കലാമിന്റെ പേരില്‍ ആദ്യമായി സര്‍വകലാശാല സ്ഥാപിക്കുന്നതു കേരളമാണെന്നും അദ്ദേഹം പറഞ്ഞു.